Alarm në bregdetin kroat/ Pas javës së zjarrtë, shi dhe stuhi që shkul pemët…
Pas një jave me temperatura ekstreme të larta, tashmë në bregdetin e Kroacisë shirat e forta dhe stuhia e fuqishme që ka shkul dhe pemë, ka bërë që të shpallet edhe nivelin më i lartë i rrezikshmërisë, meteoalarmi i kuq.
Kështu në Istër dhe Kvarner është në fuqi meteoalarmi i kuq ndërsa në pjesën tjetër të bregdetit ai portokalli, dhe parashikimet flasin për një situatë të tillë deri në fund të ditës:
“Moti do të jetë me vranësira, shi dhe shtrëngata. Përgjatë bregdetit stuhia dhe shtrëngata mund të shoqërohet me reshje të mëdha kryesisht në Dalmaci. Era e fortë do të fryjë në Dalmaci ndërsa në mbrëmje ajo pritet të dobësohet përgjatë bregdetit kroat. Temperatura më e lartë e ditës do të jetë nga 25 deri 30 °C,” thekson parashikimi i motit nga Enti Hidro-Meteorologjik i Kroacisë, DHMZ.
Shibenik, era ka shkul pemët
Moti i keq ka goditur rajonin e Shibenikut dhe Kninit, ku era ka shkulur pemët dhe i ka hedhur në rrugë.
Një anije është shkëputur nga porti te Pimoshteni, si dhe një gomone te Shibeniku e cila e ka çuar deri tek ura.
“Për situatën e krijuar është informuar Kapiteneria e Portit,” thekson operatori kujdestar duke shtuar se “më e rëndësishme është se nuk ka viktima.”
Përveç kësaj, në Qendrën e Emergjencës 112 kishte ankesa të shumta për pemë që kishin ra në rrugë në Skradin, Pirovc, Kistanjam, Srim dhe Shibenik.
Në Kashiç erërat e forta kanë shkulur pemë të cilat kanë rënë mbi rrjetin e tensionit të lartë duke shkaktuar dëme dhe ndërprerje në furnizimin e zonës me energji elektrike, ku kompania Elektroenergjetike për ironi, dje sapo kishin sanuar dëmet e shkaktuara nga zjarri që shpërtheu pas temperaturave të larta në rajonin e Shibenikut, sot po merret me një tjetër ndërhyrje.
Ndërkohë raportohet se e njëjta situatë është edhe me furnizimin me ujë.
Imotsko e përmbytur
Rreshjet e mëdha të shiu që filluan nga mëngjesi i sotëm në rajonin Imotsko, rreth orës 14:30 arriti deri në 30 litra më shumë për metër katror. Kjo shkaktoi dhe përmbytjen e rrugëve dhe situata vazhdon të jetë e nderë.
