Alarm nga Asambleja, Rama: PS rrezikon të katandiset në kashtë e koqe!

Duke folur para Asamblesë Kombëtare të Partisë Socialiste, Kryetari i PS dhe Kryeministri, Edi Rama, e pranoj se ishte i trazuar pas fitores së 25 Prillit, hodhi një lum akuzash mbi ata që ishin në pushtet pa vënë gishtin mbi veten si kreu i qeverisë dhe deri sa nuk e pranoi se PD mund të jetë rrezik për partinë që ai drejton ai alarmoi elektoratin socialist.

I bindur se PD sikur të mblidhet e rimblidhet, të hidhet, nuk ka se çfarë i bënë, por PS ka një kundërshtar shumë më të rrezikshëm se ata, janë vetë socialistët. I vetëdijshëm se mund ta bëjnë që PS nga një zgjedhje të qartë shqiptare, 3 herë rresht, ta kthejnë në zhgënjimin e tyre, se kjo parti rrezikon të katandiset si motrat e veta, kashtë e koqe, Kryetari i PS e bëri të qartë se Partisë Socialiste i duhet  një rilindje të dytë.

‘’Asnjëherë s’kam qenë më i trazuar pas një fitoreje se kësaj here. Jo se sfidat e mëparshme kanë qenë të lehta, dhe të nesërmen e fitores kam parë fusha me lule. Sa më shumë gara fiton, aq më shumë rrezikon të humbasësh sensin e vetëkorrigjimit. Kjo sfidë e re ka më të madhen e vështirësive, ka vështirësitë e të kuptuarit, besuarit, adresimit me të gjitha forcat të nevojës ëpr t’u përmirësuar më tutje. Si individ, skuadër, familje politike. Dehja nga fitoret, prirja vetëpëlqimit, rënia e dëshirës për të përmirësuar, shpërfillja ndaj dobësive, boshllëqet, shurdhimi ndaj kritikave janë tipare karakteristike të fituesve që kthehen

Të ngulim këmbët në tokë e shtrijmë sytë në horizont. Kjo që kemi përpara është koha që ne të gjejmë fuqi të reja për të parë veten, skuadrën tonë si kolektiv, për ta parë fitoren tonë me sy kritik. Na duhet një forcë e re, pasion i ri politik, kapërcim i vetvetes për ta ngjitur më lart Shqipërinë. Të gjejmë për të ngulmuar edhe më fort në punën ton,ë duke korrigjuar sa më parë të jetë e mundur, sa më shumë të jetë mundësia gjithccka kemi konstatuar apo konstatojmë se nuk shkon.

PS duhet të bëhet një komunitet që jeton me aspiratën, aspiratën e madhe për t’i sjellë Shqipërisë drejtësi e mirëqënie, çdo ditë e më pak një ngrehinë për organizata ku shkon të merret për të marë punë në shtet, apo dilet për të përplasur derën. 5 mijë e 500 dyert e organizatave tona në Shqipëri duhet të behen 5 mijë e 500 dyer të hapura mundsisht për qindra mijëra njerëz për të kultivuar qytetarinë demokratike.

Mendimin dhe aktivizmin politik. Vullnetarizmin e solidaritetin social. Për të debatuar tema me interes publik. Për të ndarë tema e shqetësime për komuntiet përkatës e Shqipërisë, dhe jo për të marrë e dhënë punë shtet për vete e kushërinj. Kemi bërë shumë përpjekje, jemi nisur shumë herë drejt këtij qëllimi, fushata hapjeje, ture anë e kënd, borde qytetare pranë PS, riorganizimi e riorganizime të rinisë, grave, partisë, sisteme aktivizimi dhe ndërverpimi dixhital, këshilla politik rajonesh, vendime, ristrukturime, qarkore për më shumë qytetari e meritokraci, më pak letargji e burrokraci në kohën jozgjedhore,” tha Edi Rama duke krijuar idenë se ishte në opozitë dhe jo i pari i qeverisë për 8 vjet ndëtsa shtoi:

“Përmirësimet kanë qenë të pamjaftueshme, fatkeqësisht rezultatet jo në lartësinë e duhur janë justifikuar gjithmonë njësoj ndërkohë që vitet kalojnë, duke thënë jo po sështë kollaj të gjesh njerëz të rinj, jo po mos i prishim ekuilibrat se po vijnë zgjedhjet, mos i ngarkojmë njerëzit, jo po na mërziten ata poshtë, jo po nuk afrohen njerëzit po nuk u then punë shtet, jo po kur ska punë kryetari i organizatës nuk i vjen mbrapa. Jo po rinia është indiferente dhe nuk do punë partia, jo po tek zona ime s’duan gra, jo po statute, udhëzimi, kryebashkiaku, ministrja, jo po dua mbështetje nga lart, jo po ccna duhet sherre nga poshtë, jo po ccdeshi ai te zona ime, jo po nuk e du ate lagjia ime, jo po ai pi kafe te lokali i PD, jo po ajo ia la lokalin LSI. Patjetër që nuk është e lehtë, të harrosh një qëllim kaq themelor për shëndetin e një partie politike si e jona, për vlrën e kapitalin njerëzor e një partie politike, për gjykimin nga publiku sicc është qëllimi i transformimit të vazhdueshëm të partisë në një komunitet të gjallë vlerash e zhvillimesh shoqërore, është sit ë pajtohesh qorrazi me vetëkyçjen brenda një rrethi vicioz.

Sukses afatgjatë do të thotë hapja përtej ccdo individi. Duke u bërë bisht dhimbjeve të mëdha të kokës që arrin arritja e këtij qëllimi, partia merret peng nga qerthulli i mbyllur, rrethet e privilegjuara, agallëku provincial në komunitet, figurat e konsumuara apo pacilësitë e nevojshme për t’u thënë të tjerëve një mesazh me figurën e tyre në krye të organizatave e deri në krye të Asambleve të Bashkive në jo pak raste. Gjithë organizmi ekspozohet prej gjëndrave malinje që zhvillohen sepse shtyhet pafundësisht në kohë kura e duhur. GJithmonë me justifikim nuk është ky momenti. Kjo incerci vetëmjaftueshmërie, mungesa e sinergjisë me komunitetin, flas në kohën mes dy fushatave, shtrirja e pafunme e përballjes me problemin thelbësor të një kapitali kaq të ccmuar në jetën publike shqiptare si PS, jo vetëm ul cilësinë politike, por edhe më e rëndë, bën politikën, dhe ne kemi kontributin tonë fatkeq, ngjajmë me një cirk pelivanësh e duket si një punë ccakejsh të rinjve e ndihen larg politikës. Partia nuk zgjohet vetëm kur vijnë zgjedhjet, e as mund të mbahet gjallë si moccal interesash të rretheve të privilegjuara në komunitetet e vendit. E vërteta e hidhur, pavarësisht dallimeve me PD, pasqyra e partive shqiptare në pushtet qysh prej 30 vjetësh në sytë e komuniteteve të shqipërisë ngjan si një copë e filmit Koncert në vitin 36.‘’

Edi Rama foli për një parti e cila nëse mendon të qëndroj sërish në krye, duhet t’i nënshtrohet një procesi rrënjësor ristrukturimi. Dhe, sërish kritika:

“Kemi një tufë drejtorësh dhe shefash që e rrethojnë deputetin apo të deleguarin sapo shfaqet në territor dhe të gjithë bashkë rrethojnë kryetarin e partisë kur zbret në territor. Ai rreth i privilegjuarish, nuk flas për individë, por për strukturën keqbërëse, është një nga armiqtë e një transformimi jetik, nëse duam një parti që të fitojë përsëri e përsëri besimin e shqiptarëve. Shëmbëlltyra e asaj parie e kapardisur nëpër rrugë e nëpër kafene, në lokalitetet e vendit duhet zhdukur nga sytë e popullit, nëse duam që shqiptarët të na afrohen shumë më shumë mes dy palë zgjedhjeve dhe nëse duam që Shqipëria e kësaj periudhe e historisë, ne kemi fatin ta shkruajmë për aq sa na takon, pas dy zgjedhjeve të ardhshme të ngjitemi në majën që na takon, e më pas t’ia kalojmë stafetën brezave të tjerë që do të na çojnë në maja më të larta. Padiskutim që një parti e madhe që nuk fiton dot zgjedhjet s’ka si vë në jetë asgjë për ato që është krijuar. S’ka më keq se sa një parti e madhe që lidhet me një zinxhir të pandërprerë humbjesh, pa i hequr asnjë vlerë të patjetërsueshme makinerisë zgjedhore. Të rinjtë në një pjesë të madhe sot vazhdojnë votojnë sipas traditës familjare, por në këtë kohë kur jeta e fëmijëve tanë, e më të rinjve, është e kërcënuar për shkak të zhytjes dhe mbytjes në mbroçkullat që e transferojnë trurin gjetkë të shkojë duke rënë,” tha Rama duke e pranuar dhe një realitet të ri:

“Vota për traditë familjare. Kjo i bën partitë gjithnjë e më të huaja për qytetarët dhe qytetarët gjithnjë e më indiferentë dhe apatikë. Ndërkohë që partitë humbasin një funksion bazë të tyre, kjo nuk është thjesht të fitojmë zgjedhje, të qeverisim apo të bëjmë opozitë, por është të kultivojmë kulturën politike e demokratike, të një vendi me të gjithë komponentët e saj. Këtë humbje, për demokracinë, e paguan shumë shtrenjtë shoqëria në formën e degradimit kontakt të bashkëjetesës demokratike. Partitë u japin qytetarëve shembujt më të shëmtuar të vulgaritetit, provincializmit të kapardisur, natyrisht e gjitha kjo fillon nga ne, qoftë për keq e qoftë e për mirë nëse duhet të adresojmë,” tha Kryetari i PS para Asamblesë duke u shprehur qartë se duhet vepruar nëse mendojnë të kenë parti pas 10 vitesh.

“Partitë mbi të gjitha janë hapësira publike. Njerëz me parafytyrime e angazhime të përbashkëta. Përfshihen diskutime me interes, mbahen qëndrime, përgjegjësi, ndërmerren veprime kolektive, betejën për të përparuar idetë e përjetësuar mendimet. Nëse duam të kemi parti pas 10 vitesh, duhet të njësohet me vlerat e qëllimet politike në veprim, e jo thjesht në parim. Përgjegjësia është e jona në radhë të parë, e më pas shtrihet me nivele. Partia jonë duhet të hyjë në një proces, në një hapësirë pjesëmarrjeje, edukimi politik dhe përkushtimi vullnetar. Një parti serioze duhet të krijojë përmes lashmërisë së aktivitetit, e jo përmes trumbetës: Eja mblidhuni këtu këtu se erdhën zgjedhjet”. Jo. Në radhë të parë lidhet me secilin prej nesh, me forcën e shembullit. Unë nuk do të dorëzohem në këtë pikë, nuk e di a do ia dal, por nuk do të dorëzohem”, tha Rama.

Kryeministri Edi Rama është treguar i ashpër me socialistët duke folur dhe për punësimet në shtet, thuase nuk ishte ai që kryesoj këtë parti dhe këtë qeveri që për 8 vjet vetëm këtë punë bëri:.

“Punësimi në shtet i familjeve të anëtarëve. Kjo duhet të konsiderohet e dështuar, nuk sjell asgjë të re PS-së, veçse një pikë tjetër uji vazhdon gërryen gur-themelin e saj. Kush i mban ata lidhur me qëllimet e përbashkëta? Po derën kush ua hap atyre dhe si i dëgjon, sa i dëgjon, ata që kanë fatin t’iu hapet dera, pasi na e kanë dhënë votën?

Dua t’iu bind se ne duhet të alarmohemi sot për të ardhmen dhe për rolin e kësaj partie në shoqërinë shqiptare. Teoria e gjithëpranuar se ndryshe njerëzit nuk të vijnë, nuk të kuptojnë, nuk punojnë për ty, nëse punësimi në shtet nuk është karremi, është teoria jo e atyre që udhëheqin, por e atyre që udhëhiqen dhe merren për hunde nga inercia e një tërësie njerëzish të mbetur pa udhëheqës. Këtu vij përsëri te nevoja që kush kërkon më shumë prej tyre, duhet që në sytë e tyre të jetë njeriu që bën atë që thotë dhe e kundërta, ” Rama duke shtuar se duhet të alarmohen nëse nuk duan që të shohim fundin e hegjominizmit e PS.

“Ndaj ne sot duhet të veprojmë. Ua kemi borxh atyre që vijnë pas nesh. Dhe ja kemi borxh atyre që i dhanë jetë kësaj partie, që e sollën këtë parti në kushtet që ne kemi këtë privilegj të madh e jemi të gjithë bashkë këtu, udhëheqja e saj. Sot ne duhet të mendojmë seriozisht për shëndetin, forcën, suksesin e PS në një afat më të gjatë se katër vjet. Ngritja sa më parë e një Akademie Politike të PS me standardet më të mira ndërkombëtare, nuk është si me magji, sepse nuk ka zgjidhje magjike këtu, por është një imperativ mes nesh dhe gjeneratës së 20-vjecarëve e 20-vjecarëve të tjerë pas tyre.

Nëse nuk doni që PS një ditë aspak të bukur të bëhet azil pleqsh duhet të veprojmë sot pa menduar se kjo nuk ndodh në kohën kur ne kemi pushtetin. Pa menduar që kjo nuk do ndodhi, nuk do ndodhi. Mund të ndodhi shumë më shpejt se sa parapërfytyrimi dhe pa një qasje të re më demokracinë dhe zgjedhësit në dy fushata. Në kapitalin njerëzor të partisë. Edhe makineria jonë e pathyeshme elektorale rrezikon të mbetet në rrugë, pa benzinë,” tha Edi Rama duke folur për një situatë vërtetë alarmante.

“Në pamundësi për të rendur më tutje, por edhe kjo parti rrezikon të katandiset si motrat e veta, kashtë e koqe. Tani nuk po fusim dhe tonën, se do ta merrte për fare në rrugën e djallit, llumi i llumit e lloj lloj sharlatanëve e pelivanëve siç ka ndodhur në vendet e tjera.”

Pas këtij pasqyrimi që i bëri Partisë Socialiste, Edi Rama paralajmëroi një riorganizim tërësor brenda PS, nga lart deri në nivelet e poshtme.

‘’Ne ende sot i kemi lidhjet me njerëzit, por nuk janë lidhje që kanë garancinë afatgjatë, janë lidhje që mund të këputen. Nga viti në vit, nga 4-vjeçari në 4-vjeçar, nëse këputen bëhen të pangjitshme më. Mjafton ti hidhni sytë rreth e rrotull, e shihni ku kanë përfunduar partitë e mëdha socialiste, doni në jug, perëndim, lindje, very të Shqipërisë. Pikërisht sepse nuk kanë mundur pë 1 mijë e 1 arsye të jenë një ushqim, jo për interesat por për shpirtin politik, pasionin politik. Nuk ka asnjë arsye në botë që një, ndjekës i një skuadre sporti të bëjë mijëra kilometra, të harxhojë kursimin për të asistuar në fitoren e skuadrës së vet, që nuk i jep as punë, as shtëpi, as privilegje përveçse atij pasioni apo angazhimi që edhe një skuadër politike mund t a krijojë, por duhet ta besosh këtë. Duhet të jesh i gatshëm që të luftosh siç luftojnë skuadrat kur zbresin në fushat e garës sportive, të cilat aty mbledhin frytet që mbjellin e kultivojnë në një stërvitje sfilitëse,” tha Rama duke përsëritur se politika është mjet i ri që duhet, jo i vetmi për të ndërtuar me shumë vetëdije patriotike në përpjekjen intelektuale dhe durim milingone.

Qasja e Kryesisë së re, Sekretariatit të Ri, qeverisë së re padiskutim. Një riorganizim tërësor nga lart poshtë, jo vetëm nga shpërndarja e forcave në territor, rritjes së hapësirës së kushteve, përfaqësimi jo vetëm me fjalë, jo duke bërë ato farsat e anëtarësive të reja, ku mblidhen njerëz për të dalë në televizor me mua, e jepen karta anëtarësie për herë të dytë, apo sillen familjarë, tha Kryetari i PS duke shtuar:

“Kjo parti të bëhet hapësirë për shumë më tepër vajza e djem, që jo të gjejnë punën në shtet, por burimin nxitjtje e pasioni që gjejnë kur bëjnë aktivitete sociale. Ku ka aktivitet social më sfidues se sa politika dhe gara politike, me cilën garë krahasohet, kur sa komponentë duhen bërë bashkë për të fituar.

Për shembull më thotë dotë njeri një gjë, pse statuti i partisë, sa herë kemi hyrë ta thjeshtojmë, vetëm e kemi komplikuar. Na duhet parti me pak burrokraci dhe shumë aktivitete, sociale, kulturore. Partia duhet të jetë një vend ku prinëdrit të ndihen mirë që fëmijët e tyre po e kalojnë kohën duke u marrë me diçka që ja vlen. Ja vlen njësoj si sporti, arti. Njohin njerëz të tjerë, ndajnë ide, ndajnë halle. Jo për të qëndruar në kafene e me atë mrrokllën Kim Karadashian nuk ndryshohet dot. Jemi në kohë për ta bërë, kemi eksperiencë, por bashkë me ekspereincën vjen dhe mungesa e vullnetit për të sfiduar vetë eksperiencën tënde.

Nëse sot s’jemi si të tjerët, nuk është rastësisht dhe është falë shumë gjërave. Nuk ka asnjë qëllim, por as edhe peshën të atillë që i zhbën gjërat e mëdha që kemi bërë. Prandaj dhe jemi këtu. Ne fitojmë, por që mos bëhemi si të tjerët që edhe kur bien me këmbët e tyre në pus, nuk e kuptojnë nga i erdhi e keqja, duhet ti shohim që tani rreziqet që nap resin në të ardhmen. Tani jemi sot më lart se çkemi qenë ndonjëherë. Sa më lart ngjitesh, rrezikon të kesh rënien katastrofike nëse mendon se këmbët i ke krahë që fluturojnë. Kemi arritur fitoren tonë më të madhe, prandaj s’duhet të mbyllin sytë deri në fund. Për të shmangur rrezikun që fitorja të mos nga mbyll sytë,” tha Rama ndërsa nuk e llogarit fare PD-në, e pranon vetëm një rrezik vetë PS-në:

“Këtu janë praktikisht përfaqësuesit e pushteti legjislativ dhe ekzkekutiv në nivel lokal e qendror. Rreziku dhe për qëllim, por bëj përsëritje, fillon nga sjellja prej të dehurish me fitoren dhe nga rënia në batakun e vetëpëlqimit. Kush është si ne, ça ka për ne tani? Tani ka më tepër mund, sakrifica, përkushtim dhe sens e shërbimi ndaj të tjerëve. Kjo është për ne. Rreziku merr jetë nga bindja se askush nuk na mund dot ne, sa të kemi në vend të opozitës këtë krijesë amorfe me dhëmballën amorfe në vend të PD. Ata nuk kanë çfarë i bëjnë PS, të gjithë bashkë të mblidhen të rimblidhen, të hidhen, PS nuk kanë çfarë i bëjnë, por PS ka një kundërshtar shumë më të rrezikshëm se ata, jemi ne. Ne mund ti bëjmë ata që askush bashkë nuk ja bëjnë dot. Ne mund ta bëjmë që PS nga një zgjedhje të qartë shqiptare, 3 herë rresht, ta kthejmë në zhgënjimin e tyre. Nëse PS do të jetë zhgënjimi i tyre, PS do të jetë relike si simotrat e veta dikur i shihte me admirim nga poshtë lart.‘’

“Sfida e mandatit të tretë është ajo mes nesh dhe të tjerëve. Duke na dhënë mandatin e tretë zgjedhësit tanë na kanë falur jo pak mërzira. Qytetarët na kanë falur individualisht plot gjëra, por nuk i kanë harruar. Na kanë dhënë një kredi dhe na kanë thënë shlyeni me interesa. Prandaj do ju lutem në emër të gjithë atyre që na kanë besuar përsëri. Në emër të gjithë atyre që na besojnë të ardhmen nëse veprojmë drejtë, e për hir të të gjithë mundit në këto 8 vite, e jo mundit tuaj e timit, por familjeve tona, që kanë marrë bashkë me ne e për shkakun tonë, një baltë pa merituar e të pa matshme mbi kurrizin e tyre, për më shumë se 8 vite. Lutja ime është që të mos luani me nervat e njerëzve, mos luani me nervat e zgjedhësve të vetë atyre që nuk ju kanë zgjedhur, as në komunitetet tuaja, as në komunikimet me publikun, e as mos lejoni tjerët të bëjnë këtë. Jam shumë i qartë, ndërkohë që flas, ka plot këtu që duan të dëgjojnë këto që po them sepse po shpreh shqetësim serioz. Shprehjen e shqetësimit tim nuk e shpreh vetëm sot. Dua që ta dëgjoni këtë kambanë, ta kuptoni dhe më ndihmoni mua e njëri-tjetrit me mendje të hapur në këtë rrugë që nisim sot” tha Kryetari i PS duke folur për mandatin e katërt:

“Mandati katërt s’lidhet me mua, por me një emër të madh, që ne duhet ta ruajmë, mbrojmë e lartësojmë. Ky është një emër që e kemi marrë nga brezi paraardhës dhe duhet t’ja dorëzojmë brezit pasardhës, quhet Partia Socialiste e Shqipërisë. Ndihma që pres prej jush është që çdo ditë kur dilni nga shtëpia të ndiheni në borxhë. Të dilni nga shtëpia si ata që dalin dhe s’dinë si do të shlyejnë borxhin. Bëni gjithçka që të mundeni që të mos na fusni në borxhe të reja, me asnjërin, me asnjë qytetar, i ndereve për farë e për fis, e të qokave për tarafin. Është më e fortë PS dhe bëhet shumë më e madhe me realitetin e votimit. Për çdo rrugë që ju ktheni kur jeni drejtuar për te hipoteka, apo në të cilën derë tjetër e PS do të rinisë një rilindje të dytë pas asaj që na solli në qeveri, jo për të fituar zgjedhjet e radhës, por të ardhmen. E kemi parë me çfarë janë zëvendësuar këto pari që janë poshtë nesh, që nuk bëhen dot më. Për të gjithë ato fëmijë, që nuk kanë prindër të pasur dhe shqiptarët që kanë histori të suksesshme në punë dhe që është e pamundur të sfidohen nga përpjekjet për të kontribuar nga pengesat tuaj,” tha Edi Rama duke përfunduar:

“Nëse njeri nga ju çohet dhe thotë që unë bëj këtë gjë, unë do i kërkoj falje të gjithëve dhe do e lë këtë predikim. Kjo është esenca e PS, jo predikim. O e bëjmë ne, ose s’ka kush e bën për ne. Të dashur anëtarë e anëtare të stafit, sot dua t’ju falenderoj të gjithëve në angazhimin tuaj. Ishte një arritje e re e makinerisë sonë, që është padiskutim krenaria e kësaj partie. E në këtë drejtim kemi nevojë për përmirësime. Ata që nuk dinë çfarë flasin s’do të pushojnë së foluri. Fitoret tona e kanë bazën te karakteri, këmbëngulja dhe vullneti ynë.”

Këtë rilindje të dytë Kryetari i PS, Edi Rama mendon ta realizoj me këtë ekip të ri:

Sekretar i Përgjithshëm, Damian Gjiknuri; Sekretar organizativ, Blendi Klosi; Sekretar Dixhital, Etien Xhafa; Sekretar i Burimeve njerëzore, Anila Denaj; Sekretare e Gruas, Etilda Gjonaj; Sekretare e Marrëdhënieve me jashtë, Romina Kuko, Sekretare të Rinisë, Bojkena Basha.

Edhe për drejtuesit politik, Edi Rama ka menduar të bëjë një ndryshim thelbësor: Tirnaë, Erion Veliaj; Durrës, Adrian Çela; Elbasan, Damian Gjiknuri; Vlorë, Arben Ahmetaj; Shkodër, Edona Bilali; Fier, Taulant Balla; Kukës, Elisa Spiropali; Berat, Bledi Çuçi; Dibër, Ulsi Manja; Gjirokastër, Mirela Kumbaro; Lezha, Blendi Klosi; Korça, Niko Peleshi.

Kryefinancierja e PS do të jetë Dhurata Isufajt, ndërsa në Këshillin Mbikëqyrës Financiar do të jenë: Ervin Bushati, Milva Ikonomi, Arben Ahmetaj, Antonela Dhima dhe Anila Denaj.

Për Komisionin e ri zgjedhor të Partisë Socialiste, Edi Rama ka menduar që do të kryesohet nga juristi Eridian Salianji, që përfaqësoi PS, në të gjitha betejat ligjore në KAS e Kolegj Zgjedhor ndërsa KOmisioni do të ketë këtë përbërje: Florian Pullazi, Fjorina Ruseni, Enkeleida Peshkepia, Galia Koçi, Ana Dhamo, Than Muça.

Në fund, Kryetari i PS, Edi Rama, ka bërë të ditur dhe emrat e kandidatëve për anëtarët e Kryesisë së Partisë Socialiste. Në listën e burrave janë 10 kandidatura për 6 vende: Pandeli Majko, Erjon Braçe, Ditmir Bushati, Ilir Beqaj, Arben Pëllumbi, Eduard Shalsi, Armando Subashi, Fatmir Xhafaj, Pjerin Ndreu, Ervin Demo,

Ndërsa në listën e grave janë: Ogerta Manastirliu, Belinda Balluku, Olta Xhacka, Ermonela Felaj, Ervis Kushi, Milva Ikonomi, Mimi Kodheli, Klotilda Ferhati, Blerina Gjylameti, Almira Gjembulla.

Me mbylljen e procesit të votimit rezultoi se Partia Socialiste për mandati e ardhshëm do të ketë këtë Kryesi të re: