Alarm/ SHBA: Është e pabesueshme që Kosova e vlerëson miqësinë tonë aq ulët sa…
Krerët e shtetit të Kosovës, bëhen sikur takohen dhe gjithçka shkon vaj por deri më sot nuk kanë sqaruar opinionin për vërejtjet dhe sugjerimet e partnerit të vetëm strategjik që ka Kosova, SHBA.
Letra që Ambasadori amerikan në Kosovë, Philip S Kosnnett, i dorëzoi Presidentit të vendit, Hashim Thaçi, dhe është firmosur nga Zv/Nd.Sekretari i shtetit, Mattthew Palmer, Zv/Nd.Sekretarja e Mbrojtjes, Laura Cooper dhe Zv/Drejtori për Çështje të Europës në Këshillin e Sigurisë Kombëtare, John Erath, është më shumë se sa një shqetësim që ka të bëjë me dialogun ose funksionimin e koalicionit qeverisës.
Anulimi i vizitës së Gjeneralit Timothy Orr nga Garda Kombëtare e Iowas, në Kosovë, nuk është thjeshtë mas për arsye se nuk është hequr taksa ndaj produkteve serbe, por është një alarm për ekzistencën e shtetit të Kosovës
“Është e pabesueshme që pas gjithë çfarë kemi bërë bashkë, Kosova e vlerëson miqësinë tonë aq ulët sa të injorojë këshillat tona,“ thekson letra e firmosur nga Zv/ndihmës Sekretarët Palmer dhe Cooper, dhe përfundon me fjalët:
“Qëllimi ynë është që të shohin Serbinë dhe gjithashtu Kosovën, të veprojnë me përgjegjësi dhe që t’i kthehen dialogut. Hapi i parë drejt këtij qëllimi do të ishte pezullimi i taksës. Derisa nuk e bëni një gjë të tillë, ne nuk mund të kemi raportet e fuqishme që kishim më parë me ju.”
Ramush Haradinaj mund ti thotë jo Hashim Thaçit dhe mirë bënë, por jo edhe Shteteve të Bashkuara ndërsa lajmet që injektohen nga mediat e ndryshme mbi politikën e Presidentit Trump, përgjigjen e kanë në angazhimin e presidentëve amerikanë, si nga komunisti Bill Clinton ashtu edhe republikani George W. Bush, i cili një vit para shpalljes së pavarësisë së Kosovës, i bëri të qartë Rusisë se ka ardhur koha për shpalljen e pavarësisë.
Ndryshe, Letra që është përcjellë nga Ambasadori Amerikan, i firmosur nga tre Zyrtarët e lartë të administratës amerikane, konfirmon shqetësimin serioz të SHBA në marrëdhëniet mes Kosovës dhe Shtetet e Bashkuara.
Letra:
I dashur President Thaçi:
I dashur Kryeministër Haradinaj:
I dashur Kryeparlamentar Veseli:
Ashtu siç u ka shkruar edhe Presidenti Trump në letrën e tij në dhjetor të 2018, ky është momenti i mundësisë së Kosovës, që duke normalizuar marrëdhëniet me Serbinë të ndërmarr një hap të rëndësishëm përpara drejt integrimeve Euro-Atlantike si dhe të avancojë si një vend stabil, prosperues dhe i sigurt. Që atëherë ne kemi shprehur shqetësimet tona që veprime të caktuara, përfshirë këtu vendosjen e taksës ndaj produkteve serbe dhe boshnjake, do të mund të rrezikojnë këtë qëllim. Këto veprime minojnë mundësinë e Shteteve të Bashkuara të Amerikës që të vazhdojnë bashkëpunimin me ju në një fushë të gjerë objektivash të përbashkëta.
Pasiqë pamë që kërkesat tona për të pezulluar taksën, nuk u morën parasysh, kemi vendosur të ndërmarrim hapa që do të shfaqin shqetësimin tonë, përfshirë këtu edhe partneritetin në fushën e sigurisë. Fillimisht, kemi vendosur të anulojmë vizitën e planifikuar të Gjeneralit Orr nga Garda Kombëtare e Ioëa-s, në Kosovë. Vizita e tij kishte për qëllim të përqendrohej në bashkëpunim bilateral në fushën e sigurisë. Duke pasur parasysh veprimet e padobishme të qeverisë tuaj, do të ishte e pavend që një vizitë e tillë të ndodhte. Do të shikojmë me kujdes aspektet e tjera të bashkëpunimit tonë dhe do të shqyrtojmë nëse edhe ato do të pakësohen/shkurtohen/cungohen.
Kosova nuk ka mik më të mirë sesa Shtetet e Bashkuara. Ne kemi punuar për kaq shumë vite për të realizuar një të ardhme për popullin e Kosovës, në mënyrë që ai të jetojë ashtu siç ka zgjedhur, në paqe. Lufta e Kosovës për liri ka mbetur në mendjen e Amerikanëve. Mijëra diplomatë amerikane dhe ushtarë janë përfshirë personalisht në përpjekjet për të ndërtuar një të ardhme për Kosovën. Është e pabesueshme që pas gjithë çfarë kemi bërë bashkë, Kosova e vlerëson miqësinë tonë aq ulët sat ë injorojë këshillat tona. Shtetet e Bashkuara vazhdojnë të jenë të gatshme të ndihmojnë Kosovën për të arritur një marrëveshje gjithëpërfshirëse e normalizuese me Serbinë, e cila do të përqendrohej në njohje reciproke, gjë që do të ishte e implementueshme, jetëgjatë dhe në të mirë të të dyja palëve. Në njëzet vitet e fundit, ky ka qenë një qëllim I paarritshëm. Edhepse ende e vështirë, është një rrugë që duhet ndërmarrë, në mënyrë që të arrjmë në sigurinë dhe propsperitetin që sjell e ardhmja. Qëllimi ynë është që të shohin Serbinë dhe gjithashtu Kosovën, të veprojnë me përgjegjësi dhe që t’i kthehen dialogut. Hapi I parë drejt këtij qëllimi do të ishte pezullimi i taksës. Derisa nuk e bëni një gjë të tillë, ne nuk mund të kemi raportet e fuqishme që kishim më parë me ju.
Përzemerisht,
Matthew Palmer Zëvendës Ndihmës Sekretari i Shtetit
Laura Cooper, Zëvendës Ndihmës Sekretari i Mbrotjtjes
John Erath, Zëvendës Drejtori për Çështje të Europës në Këshillin e Sigurisë Kombëtare
