Alarmi i mjekut, shkon në 100 numri i të helmuarve në Bulqizë…

Shkon në 100 numri i banorëve të helmuar në qytetin e Bulqizës, duke e bërë situatën çdo ditë e më shqetësuese.

Ndërsa priten analizat përfundimtare për të mësuar se çfarë e ka shkatuar helmimin e banorëve, mjeku Ramazan Ceni është i bindur se një situatë të tillë e ka shkaktuar uji.

“Personat paraqiten me bark dhe të vjella por edhe me dhimbje barku. Helmimi ka ardhur nga uji, fluksi i të prekurve vazhdon,” thotë ai për BW duke shtuar se situata vijon të jetë shqetësuese, pasi vetëm sot janë paraqitur 6 rastë të rjea, 2 fëmijë dhe 4 të rritur.

Ndërsa mjeku Shahin Kaja, veç ujit të pijshëm thotë se mund të jetë shkaktare edhe ndonjë furrë buke, apo keqbërës.

Njëri prej pacientëve në spital tha se ata janë prekur të gjithë si familje nga helmimi dhe dyshojnë tek uji:

“Nuk e dimë çfarë kemi. Dyshojmë se nga uji ka ardhur,” tha kryefamiljari.

Ndryshe, ekspertët kanë marrë mostra të ujit që janë sjellë në Tiranë për analiza, ndërsa banorët janë urdhëruar të mos e përdorin ujin që u shkon në çezma.