Alarmi i shkencëtarëve: Toka e mbanë dy herë më shumë nxehtësinë se sa në vitin 2005
Sipas hulumtimeve më të fundit, Toka sot e mbanë dy herë më shumë nxehtësinë se sa 15 vjet më parë.
Shkencëtarët kanë analizuar të dhënat e projektit të NASA-s, Clouds and the Earth’s Radiant Energy System, CERES, i cili mbledhë informacione me disa satelitë në orbitë dhe masë, se sa energji thithë planeti ynë në formën e rrezeve të diellit dhe sa prej tyre emetohen mbrapsht në univers në formën e rrezeve infra të kuqe.
Ndryshimi në mes të energjisë hyrëse dhe asaj dalëse quhet çekuilibër energjetik, e studimi ka treguar që në periudhën prej vitit 2005 deri në vitin 2019 ky çekuilibrim është dyfishuar në krahasim me vitet e kaluar, shkruan Space.com.
Matjet e pavarura
Ekspertët gjithashtu kanë shfrytëzuar të dhënat nga Arga, rrjet ky ndërkombëtarë i sensorëve të vendosur nëpër të gjithë oqeanet botëror, që bëjnë matjen e shpejtësisë së nxehjes së tyre.
“Dy metoda të pavarura përmes së cilave mund të maten ndryshimet në çekuilibrimin energjetik të tokës tregojnë rezultate të ngjashme,” tha shkencëtari atmosferik Norman Loeb, kreu i studimin më të ri dhe udhëheqësi i projektit CERES.
“Trendet e konstatuara në një formë janë alarmante,” tha ai.
Loeb dhe kolegët e tij kanë ardhur në konkluzionin se rritja e ngrohjes është një rezultat i kombinuar i proceseve natyrale dhe aktiviteteve njerëzore. Për shembull, rritja e përqendrimit të gazrave të serës si dioksidit të karbonit dhe metanit në atmosferën e Tokës sjellin mbajtjen e sasisë më të madhe të nxehtësisë. Kjo sjellë zvogëlimin e sipërfaqes së akullit, që shkakton reflektimin më të vogël të energjisë dalëse nga sipërfaqja e planetit.
Shkaqet natyrale
Por shkencëtarët kanë zbuluar se në ngrohje kontribuon edhe modeli i përsëritur natyral i quajtur, Lëkundja Paqësore e Dekadave, PDO.
PDO shkakton lëkundje të rregullta të temperaturës së Oqeanit të Qetë, me ç’rast gjatë dhjetë viteve, pjesët perëndimore të tij bëhen të ftohta, e ato lindore të ngrohta, e në dhjetë vitet e ardhshme ndodhë e kundërta.
Në vitin 2014 filloj një periudhë jashtëzakonisht intensive e PDO e cila shkaktoj zvogëlimin e krijimit të reve mbi oqean, e që rezultoi me thithjen e energjisë dalëse.
“Me siguri se bëhet fjalë për kombinimin e aktivitetit antropogjen dhe ndryshimeve të brendshme,” tha Loeb duke ju referuar efektit që kanë aktivitetet njerëzore dhe ndryshimet natyrale në sjelljen e ekosistemit të planetit.
Edhe pse studimi përfshinë vetëm një periudhë kohore relativisht të shkurtër, Loeb shton, se shpejtësia e mbajtjes së nxehtësisë tregon se planeti është në një çekuilibër energjetik shumë më të madh se sa është menduar më parë, dhe se për këtë arsye mund të priten ndryshime serioze klimatike, siç është, rritja e përshpejtuar e temperaturës dhe rritja e nivelit të detit. Ndryshe, studimi “Satellite and Ocean Data Reveal Marked Increase in Earth’s Heating Rate” është publikuar në revistën Geophysical Research Letters.
