Alarmi, OBSH: Në Evropë mund të ketë edhe 500 mijë humbje jete nga COVID-19

Organizata Botërore e Shëndetësisë, OBSH, ka bërë të ditur sot se aktualisht në Evropë është shumë shqetësues niveli i transmetimit të COVID-19 dhe se kontinenti sërish është në epiqendër të infeksionit.

OBSH ngre alarmin se në muajin shkurt, në Evropë mund të ketë edhe 500 mijë raste të vdekjeve nga COVID-19.

“Sërish jemi në epiqendër,” tha sot Drejtori i OBSH për Evropën, Hans Kluge, duke shtuar se aktualisht niveli i transmetimit në 53 vende të rajonit evropian është shumë shqetësues.

Rritjen e rasteve, Organizata Botërore e Shëndetësisë e sqaron me vaksinim të pamjaftueshëm dhe lehtësimin e masave epidemiologjike.

Për vetëm një javë, thekson OBSH, numri i rasteve të hospitalizuara nga COVID-19, është “më shumë se sa dyfishuar”.