Albin Kurti e Isa Mustafa takohen sot në orën 15:30

Kryetari i Lëvizjes Vetëvendosje Albin Kurti dhe ai i Lidhjes Demokratike të Kosovës Isa Mustafa, do të takohen sërish sot në orën 15:30 në ambientet e Parlamentit të Kosovës.

Nuk dihet me siguri nëse do të ketë sot marrëveshje përfundimtare për koalicionin qeverisës, por KTV duke iu referuar një burim nga Lëvizja Vetëvendosje raporton se gjasat janë të mëdha ndërkohë optimizëm ka dhe te LDK.

Ndryshe, edhe pas takimit të djeshëm Kurti-Mustafa, si Vetëvendosje ashtu dhe LDK shprehën optimizëm për arritjen e një Marrëveshje për koalicionin qeverisës ku do të përfshihet edhe posti i shumëdiskutuar i Presidentit të Kosovës.