Albin Kurti fiton zgjedhjet, perdja ra: Opozita bllokoi proceset në Kosovë!
Perdja ra! Drama e opozitës me bllokimin e proceseve politike dhe financiare në Kosovë përfundoi me mbylljen e gojës së “analistave” dhe fitoren spektakolare të Albin Kurtit me Lëvizjen Vetëvendosje duke fituar sipas rezultateve paraprake nga 99.45 për qind të votave të numëruara, me 49.28 për qind, dhe, të drejtën për të formuar vetë qeverinë!
Tashmë beteja e radhës së Albin Kurtit pasi u konfirmua si lider politik i pakontestueshëm në Kosovë është të konfirmohet edhe si lider shtetëror i fortë duke krijuar një koalicion shtetëror shumë të qëndrueshëm për shkak të proceseve që janë përpara, që edhe pas këtij rezultati e konfirmojnë PDK-në si zgjidhjen e vetme.
Paradoksalisht, i fituar nga këto zgjedhje del edhe humbësja më e frikshme, LDK, e cila me ndryshimin një orë e më parë të Kryetarit të saj të dështuar, Lumir Abdixhiku, do të shpëtoj edhe nga pazarxhiu i birrës që e turpëroi këtë forcë politike shtetëformuese të përfundoi me 13.58 për qind, për ti hapur rrugën rrugën rikthimit të saj aty ku e ka vendin, në elitën politike!
Me Lumirin dhe jo më pak të rëndësishëm janë të gjithë analistët batonë e buzhalë që e bindën këtë analfabetë politikë se si rrëzohet Albin Kurti dhe e bënë edhe më të fuqishëm!
Dhe, për gjithë këtë epilog të kësaj drame që e nxiti opozita që nga 9 Shkurti, dhe bllokoi gjithë proceset proces postzgjedhore duke fajësuar Albin Kurtin pse nuk e bënë Qeverinë, sot, Kosova, përveç qytetarëve të saj duhet ta falemnderoj dhe vetë Kurtin që i qëndroi gjithë presionit i cili u nxit nga opozita dhe u mbështet me të gjitha mjetet nga Edi Rama, mbi “Albinin proserb”, “shërbëtorin e Serbisë”, “udbash” dhe akuza të ngjashme që vetëm një mendje e sëmurë mund të prodhoj!
Gjithësesi, kjo dramë e opozitare e intensifikuar edhe nga Edi Rama përveç bllokimit të Kosovës dëmtoi edhe marrëdhëniet me BE dhe SHBA, që po shikonin një “Albin që po bllokon proceset” madje refuzuan ta takojnë edhe në Zyrë!
Ndryshe, fitoren e 28 dhjetorit nga Albin Kurti e bënë më spektakolar fakti se fitorja është më e thellë se ajo historike e vitit 2021, ku pjesëmarrja ishte 903.379 votues ose 48.7 për qind dhe Lëvizja Vetëvendosje u rendit e para me 50.28 për qind, ndërkohë dje ishte 899.517 votues. ose 44.99 për qind me rezultatin paraprak 49.28 për qind që pritet të rezultoj me një rezultat përfundimtar më të lartë.
