Albin Kurti me Ali Ahmetin dhe ministrat e BDI, Autostrada Prishtinë-Shkup, masat Anticovid…
Kryeministri Kosovës, Albin Kurti në takim me Kryetarin e Bashkimit Demokratik për Integrim, Ali Ahmeti kanë diskutuar në Prishtinë për Autostradën Prishtinë – Shkup projekt ky me shumë prioritet për të dy palët e që pritet të përfundojë së shpejti dhe situatën me pandeminë në të dy vendet si dhe lehtësimin dhe largimi i masave si brenda vendeve ashtu edhe për lëvizje nëpër kufij, masa që kanë shkaktuar reagime të shumëta ndër shqiptarët e Maqedonisë së Veriut.
Në takim, bënë ditur BDI, gjithashtu është diskutuar edhe për rrugën Tetovë – Prizren, menaxhimin e përbashkët të kufirit, qendrën e përbashkët turistike në Kodër të Diellit dhe Brezovicë, situatën politike në rajon, dialogun midis Shkupit dhe Sofjes, Beogradit dhe Prishtinës dhe çështje të tjera.
Pjesë e bisedës së Ali Ahmetit, i cili ishte i shoqëruar nga ministrat e BDI në Qeverinë e Maqedonisë së Veriut, dhe Kryeministrit Kurti ishte dhe dialogu Kosovë – Serbi, proces ky që duhet të përmbyllet sa më shpejtë me njohje të ndërsjellë mes dy vendeve me qëllim të ruajtjes së stabilitetit dhe prosperitetit të vendit dhe për një të ardhme më të mirë për qytetarët, pasi që sipas të dy bashkëbiseduesve i gjithë Ballkani Perëndimor vendin e ka në familjen e madhe evropiane, në paqe të qëndrueshme, siguri, stabilitet.
Kjo vizitë zyrtare e Kryetarit të BDi, Ali Ahmeti, në Qeverinë e Kosovës përfundoi me një darkë miqësore.
