Albin Kurti ndan gjysmën e pagës për luftimin e koronavirusit

Kryeministri në detyrë, Albin Kurti, sot ka dhuruar gjysmën e pagës së tij, përkatësisht 684.83 euro për menaxhimin e COVID-19, ka bërë të ditur Zëdhënësi i Qeverisë, Përparim Kryeziu.

Ndërkohë, diaspora, tha Përparim Kryeziu, përmes një njoftimi në rrjetin social Facebook, po vazhdon t’i përgjigjet thirrjes për mbështetje financiare, ku deri më tash ndihma e tyre ka kaluar vlerën 300 mijë euro.

“Diasporës i garantojmë transparencë dhe llogaridhënie në shfrytëzimin e mjeteve të dhuruara, dhe u jemi falënderues gjithmonë dhe gjithnjë. Qeveria Kurti është e përkushtuar që të fuqizojë rolin e mërgatës në vend, dhe për këtë jemi zotuar në programin e Qeverisë së Republikës së Kosovës!”