Albin Kurti në Konventën Kombëtare Demokratike në SHBA, Edi Rama në Tiranë promovon birrën e Irfanit
Përkundër propagandës së egër të Kryeministrit Edi Rama kundër të pabindurit Albin Kurti që “po cenon marrëdhëniet me SHBA”, ky që po cenon këto marrëdhënie amerikane sipas Ramës, është i ftuar në Çikago në Konventën Kombëtare Demokratike, dhe sot si Kryeministër i Republikës së Kosovës mori pjesë në panelin e diskutimit me titull “Konventa Kombëtare Demokratike dhe Roli i Partive Politike”, organizuar nga NDI, si pjesë e Forumit Ndërkombëtar të Liderëve 2024.
Pjesë e panelit bashkë me kryeministrin Kurti ishte dhe ish-Sekretari i Përgjithshëm i NATO-s, Lord George Robertson dhe Ministri i Jashtëm i Danimarkës dhe ish-kryeministri, Lars Løkke Rasmussen.
Në adresimin hyrës të tij, kryeministri Kurti fillimisht falënderoi NDI për partneritetin me Kosovën dhe kontributin e tyre për vendin tonë përgjatë viteve.
Mbi temën e diskutimit, ai tha se “Partitë politike janë natyrshëm politike. Sfida është se si t’i kthejmë në shoqërore. Këtu mendoj se qëndron dhe suksesi ynë. Tre kategoritë shoqërore që e mundësuan fitoren tonë janë gratë, të rinjtë dhe diaspora. Filluam duke vënë në pah kontributin e grave në shoqëri dhe duke nënvizuar rolin shoqëror të grave. Në anën tjetër, duke patur moshën mesatare të popullsisë në Kosovë 34 vjeç, punuam me të rinjtë përmes kulturës, artit, sportit e debateve mbi teoritë kritike.”
Ai shtoi se konstelacioni i përbërjes së Qeverisë tashmë ka një të tretën e ministrave të kabinetit qeveritar të cilat janë gra, 40 për qind e grupit parlamentar janë gra, dy nga tre zëvendëskryeministra janë gra dhe se gjithmonë theksojmë se shpesh gratë janë udhëheqëset më të mira dhe organizatorët më të mirë, bënë të ditur Qeveria e Kosovës duke përfunduar:
“Përgjatë panelit, u diskutua dhe mbi mënyrat se si partitë politike duhet të përgatiten e pajisen më së miri për t’i bërë ballë sfidave dhe kërcënimeve të cilat paraqiten së brendshmi dhe së jashtmi.”
Para fillimit të këtij paneli, Kryeministri i Kosov, Albin Kurti u takua dhe bashkëbisedoi me Kryetarin e Komitetit Kombëtar Demokrat, Jaime Harrison, në prani dhe të Presidentes së NDI, Tamara Wittes dhe Kryetarit të Bordit Drejtues të NDI, Tom Daschle.
Ndërkohë Kryeministri Edi Rama gjatë gjithë kësaj kohe, i injoruar nga demokratët amerikanë dhe Presidenti i SHBA, Joe Biden, mahnitet me mbrëmjen e birrës Korça, magji të cilën Kryeministrit të braktisur nga Amerika, mund ti ofroj vetëm Irfani të cilit dy vjet më parë i shembi hotelin në pikun e sezonit më të suksesshëm turistik.
“Magjike netët e festës së Birrës në Korçë. Për 5 ditë mijëra vizitorë vendas e të huaj zgjodhën Korçën në këtë festë vere,” thotë Edi Rama i dehur nga magjia e braktisjes amerikane!
