Albin Kurti në Prishtinë: Për fitoren tonë s’do ti kemi borxh asnjë oligarku

Kandidati për Kryeministër i Lëvizjes Vetëvendosje, Albin Kurti, në takimin përmbyllës në Prishtinë tha se do të fitojnë se duhet dhe se për fitoren e tyre nuk do t’i kenë borxh asnjë oligarku e ambasade.

“Ka shumë flamuj në këtë tubim madhështor, sepse lëvizja nuk është vetëm e jona. Është e të gjithëve, është bërë një lum pa brigje. Ne se kontrollojmë dot rritjen e saj, por ajo e kontrollon edhe veten edhe neve.”

Nuk jemi vetë, tha Albin Kurti, sepse jemi bashkë

“Dhe nuk jemi për vete sepse jemi për juve. Për të gjithë të gjitha, për të ne asgjë. Për fitoren tonë ne nuk do t’i kemi borxh asnjë tajkuni e ambasade. Do t’ju kemi borxh vetëm juve, e do t’ju shërbim pa pushim. Nuk jemi mbledhur këtu as për t’ju premtuar as për t’ju gënjyer.”

Si qeveri e re, ai është i ndërgjegjshëm se do ta gjejnë Kosovën në një gjendje shumë të rëndë.

“Qytetarët e kanë humbur shpresën në shtet sepse nuk kanë pasur qeverisje të mirë. Çdo i gjashti i qytetar është i varfër, dhe varet nga skema pensionale që u thotë se duhet të jetoni me 80 centë në ditë. Minatorët që flejë mbi arë nuk kanë as jorgan për t’u mbuluar. Bujqit nuk mund ta punojnë tokën sepse kur shkojnë të blejnë naftë traktori i tyre u konsiderohet sikur të ishte Mercedes.”

Por problemet e mëdha, tha Kandidati për Kryeministër, Albin Kurti, nuk ia humbin shpresën dhe Lëvizja Vetëvendsoje do të fitojë se duhet.

“Do të fitojmë se duhet. Problemet janë të mëdha, kjo nuk ma humb shpresën, por kjo ma rritë shpresën.”