Albin Kurti: Reciprociteti shtyhet me kusht që… Vuçiç: Falënderojmë Rusinë…
Reciprociteti për targat dhe letërnjoftimet me serbët nuk filloi të zbatohet sot, pas kërkesës së Ambasadorit amerikan në Kosovë, Jeffrey Hovenier, që të shtyjë për 30 ditë zbatimin e këtij vendimi të Qeverisë së Kosovës; Kryeministri i Kosovës, Albin Kurti, duke pranuar shtyrjen e zbatimit të reciprocitetit tha se bëhet vetëm me kushtin që nga veriu i vendit të hiqen të gjitha barrikadat dhe të rikthehet liria e lëvizjes.
Çuditërisht, barrikadat serbe nuk u larguan, liria e lëvizjes nuk u rikthye as në Bërnjak dhe as një Jarinje por shtyrja e zbatimit të vendimit deri më 1 Shtator po ndodhë pa pyet njeri, ndërsa Presidenti i Serbisë, Aleksandar Vuçiç, falënderoi Rusinë; Nga ana tjetër Policia e Kosovës deklaron se reciprociteti në pikat tjera po zbatohet!
“Në bashkëpunim me aleatët tanë ndërkombëtarë, ne zotojmë se do të shtyjmë për 30 ditë zbatimin e vendimeve për targat e makinave dhe dokumentet hyrëse-dalëse në pikat kufitare me Serbinë, me kusht që të hiqen të gjitha barrikadat dhe të rivendoset liria e plotë e lëvizjes,” thekson Kurti përmes rrjetit social Twitter.
Ndërkohë misioni i NATO-s në Kosovë, KFOR, tha se është i përgatitur për të intervenuar nëse rrezikohet stabiliteti në veri të Kosovës.
“Në përgjithësi, situata e sigurisë në komunat veriore të Kosovës është e tensionuar. KFOR-i është duke vëzhguar situatën nga afër edhe është i gatshëm të intervenojë nëse situata rrezikohet, në përputhje me mandatin që ka nga rezoluta 1244”.
Për dallim nga dje, sot nuk doli ideatori i Ballkanit të Hapur dhe Presidenti i Serbisë, Aleksandar Vuçiç, për të provokuar dhe nxitur serbët e Kosovës për luftë, dhe pas falënderimeve që i bëri Rusisë kur u shty masa e reciprocitetit për një muaj, sot u shfaq për mesazhe me serbët lidhur me situatën e krijuar në Veri duke akuzuar Prishtinën zyrtare se kishte për qëllim të shkaktoj konflikt, të luftoj me popullin serb, se serbët duan paqe dhe stabilitet dhe “u ka ardhur në maje të hundës që të durojnë terrorin e Albin Kurtit”.
“Qëllimi i tye ishte që të futen në Veri të Kosovës dhe të luftojnë me popullin serb i cili po mbronë lirinë e lëvizjes dhe të drejtën e tij për mbijetesë në Kosovë,” tha Petar Petkoviç që është dhe Kryenegocitari serb në dialogun Kosovë-Serbi dhe sot akuzon Kryeministrin Albin Kurti se me vendime të njëanshme nisi ti vëjë flakën fuqisë së barotit në Veri të Kosovës dhe gjithë Ballkanin Perëndimor.
Ndryshe, gjuha që përdorë Petkoviçi dhe shefi i tij Aleksandar Vuçiç nuk janë risi, janë dëgjuar edhe më parë kur këta ishin në rroba çetnikësh dhe shtetin serbe e komandaonte krimineli Slobodan Millosheviç, dhe sot ndër të tjera ata deklarojnë se jo vetëm që rrugët janë bllokuar por nuk kalohet as në këmbë.
Vendimi i 29 qershorit i Qeverisë së Kosovës parashikon lëshimin e dokumentit për hyrje-dalje për të gjithë personat që posedojnë dokumente serbe. Praktikë të njëjtë Serbia ka aplikuar ndaj qytetarëve të Kosovës për vite me radhë.
Ndërkaq, vendimi i dytë parashikon që të gjithë pronarët e makinave me targa me akronime të qyteteve të Kosovës – që lëshohen nga Serbia – të mund të riregjistrojnë makinat e tyre në targat RKS (Republika e Kosovës).
Targat me akronime të qyteteve të Kosovës, nga Prishtina zyrtare konsiderohen ilegale, por vlerësohet se në veri të vendit, të banuar me shumicë serbe, qarkullojnë 10.000 makina me targa të tilla.
Për shkak të tensioneve në veri, Policia e Kosovës ka mbyllur dy pikëkalimet kufitare, Jarinjë dhe Bërnjak, dhe ka udhëzuar qytetarët që të përdorin pikëkalime të tjera.
Dje, Policia raportoi se ka pasur të shtëna me armë zjarri në disa lokacione dhe disa kanë qenë drejtim të Policisë, por nuk ka pasur të plagosur.
