Albin Kurti: Skerdilajd Llagami, dëshmor i njëjtësisë së kombit shqiptar!

Kryetari i Lëvizjes Vetëvendosje, Albin Kurti, duke kujtuar ish-luftëtarin e tri luftërave në Kosovë, Luginë të Preshevës e Maqedoni, tha se Skerdilajd Llagami është dëshmor i njëjtësisë së kombit shqiptar.

“Sot është shtatëmbëdhjetë vjetori i rënies në betejë të dëshmorit Skerdilajd Llagami, i njohur në luftë si “Shpendi”, apo “Komandant Shpendi”. Skerdilajd Llagami është dëshmor i njëjtësisë së kombit shqiptar,” tha ai duke kujtuar 30 vjeçarin e forcave speciale të policisë së Shqipërisë, i cili e la familjen dhe punën në Tiranë dhe iu bashkangjit Ushtrisë Çlirimtare të Kosovës, në luftën për lirinë e atdheut.

“Pasi u shqua për trimëri, guxim e disiplinë në Kosovë, ku luftoi kryesisht në rrafshin e Dukagjinit, ai e vazhdoi angazhimin çlirimtar edhe me UÇPMB-në, e më vonë edhe me UÇK-në në luftën në Maqedoni, ku edhe ra trimërisht në moshën 32 vjeçare, në malësinë e Tetovës.”

Ky ishte Shpendi i flamurit, thekson Albin Kurti, që nuk hoqi dorë nga liria e kombit, për asnjë çmim.

“Skerdilajd Llagami, dhe dëshmorët e luftëtarët e shumtë nga Shqipëria, trojet në Maqedoni, Mal të Zi, Luginë e nga mërgata, na kujtojnë se, edhe kur shtetet e kufijtë na kanë imponuar ndarjen, në historinë e kemi bërë së bashku,” tha lideri i Lëvizjes “Vetëvendosje duke përfunduar statusin e tj në rrjetin social Facebook :

“E nderojmë kujtimin e Skerdilajd Llagamit, Komandant Shpendit, dhe gjithë dëshmorëve të UÇK-së. Ideali i tyre u bëftë realitet!”

Ja statusi i plotë:

Sot është shtatëmbëdhjetë vjetori i rënies në betejë të dëshmorit Skerdilajd Llagami, i njohur në luftë si “Shpendi”, apo “Komandant Shpendi”. Skerdilajd Llagami është dëshmor i njëjtësisë së kombit shqiptar. I lindur e i rritur në Tiranë, në moshën 30 vjeçare ai e la punën në forcat speciale të policisë së Shqipërisë, e la edhe familjen që e kishte djalë të vetëm, dhe iu bashkangjit Ushtrisë Çlirimtare të Kosovës, në luftën për lirinë e atdheut. Pasi u shqua për trimëri, guxim e disiplinë në Kosovë, ku luftoi kryesisht në rrafshin e Dukagjinit, ai e vazhdoi angazhimin çlirimtar edhe me UÇPMB-në, e më vonë edhe me UÇK-në në luftën në Maqedoni, ku edhe ra trimërisht në moshën 32 vjeçare, në malësinë e Tetovës.