Albin Kurti: Takimet e nivelit të lartë Kosovë-Serbi janë vështirësuar

Kryeministri i Kosovës, Albin Kurti, ka deklaruar se takimet e nivelit të lartë në mes Kosovës dhe Serbisë pas agresionit rus në Ukrainë janë vështirësuar shumë.

“Besoj se situata është më e vështirë se dikur. Varet se kur na vije ftesa nga Brukseli por pas invazionit rus në Ukrainë ndërkohë që ne vendosem sanksione dhe shprehem gatishmërinë për pranimin e 20 gazetarëve dhe 5 mijë refugjatëve, ndërsa Serbia doli karshi Federatës Ruse takimet janë në një situatë tejet më të vështirë sesa në vitin e kaluar. Në këtë situatë ku ata nuk po e kanë kurajo të distanconen nga federata ruse dhe tu bashkohen sanksioneve edhe takimet tona janë vështirësuar shumë,” tha Kryeministri i Kosovës duke sqaruar nëse ka marrë një vendim lidhur me mbajtjen ose jo të zgjedhjeve të Serbisë.

“Konsiderojnë që në njërën anë nuk duhet që t’ua pamundësojnë serbëve në Kosovë ta kenë të drejtën e votës por në anën tjetër kushtetutshmëria dhe ligji në Kosovës neve na e obligon bazën e çfarëdo zgjidhje që do marrin në të ardhmen,” Kryeministri i Kosovës, Albin Kurti, duke shtuar se një zgjidhje e tillë po kërkohet në bashkëpunim me ambasadorët e QUINT-it.

“Jemi në bisedime me ambasadorët e QUINT-it në mënyrë që të shohim se çfarë zgjidhje mund të gjejmë.”