Albin Kurti të dielën vizitë në Tiranë, takim me Ramën dhe Nikollën

Kryeministri i Kosovës, Albin Kurti pritet që të dielën, më 26 Mars të vizitojë Tiranën. Gjatë kësaj vizite, është parashikuar që Kryeministri i Kosovës të zhvillojë takim me Kryeministrin Edi Rama dhe Kryetaren e Parlamentit, Lindita Nikolla.

Temë e takimit të Edi Ramës me Albin Kurtin pritet të jetë marrëveshja e dakordësuar në Ohër me Presidentin e Serbisë, Aleksandar Vuçiç dhe tensionet që u ngritën në skenën politike kosovare rreth vetëmenaxhimit të komunitetit serb që përmbanë Aneksi i Marrëveshjes, që opozita vazhdon ta akuzojë Kurtin për themelimin e Asociacionit të komunave me shumicë serbe.