Albin Kurti: Po punojmë çdo ditë që FSK-ja të jetë sa më moderne
Po punojmë çdo ditë që FSK-ja të jetë sa më moderne, sa më e fortë dhe po aq profesionale, tha Kryeministri i Kosovës, Albin Kurti, pas një mëngjesi pune me ministrin e Mbrojtjes, Ejup Maqedonci, dhe, Komandantin e Forcës së Sigurisë së Kosovës, gjenerallejtënant Bashkim Jashari, duke e bërë të qartë se ndër prioritet kryesore është zhvillimi dhe fuqizimi i ushtrisë në shërbim të mbrojtjes dhe sigurisë.
“Në Ballkonin e Hapur flasim hapur: një mëngjes pune në kryeministri. Diskutuam planet dhe mbështetjen e Qeverisë që asnjëherë nuk ka qenë më e madhe e më e lartë,” shprehet Kryeministri i Kosovës përmes rrjetit social duke fol për një ushtri sa më të fortë dhe moderne ndërsa përfundon:
“Zhvillimi dhe fuqizimi i ushtrisë në shërbim të mbrojtjes dhe sigurisë së vendit është ndër prioritet tona kryesore, andaj po punojmë çdo ditë që FSK-ja të jetë sa më moderne, sa më e fortë dhe po aq profesionale.”
Ndryshe, në këtë mëngjes pune në kryeministri, përveç Komandantit të Forcës së Sigurisë së Kosovës, gjenerallejtënant Bashkim Jashari, dhe, ministrin e Mbrojtjes, Ejup Maqedonci, ishte prezent dhe ministri i Financave, Punës dhe Trasfereve, Hekuran Murati.
