Aleati i Putinit, manjati Malofeev: Do refuzojmë marrëveshjen paqësore, jemi duke fituar

Manjati konservator rus dhe bashkëpunëtori i ngusht i Kremlinit tha se Rusia do ta refuzon çfarëdo lloj oferte për armëpushim në Ukrainë që mund ta ndërmjestoj presidenti i ri amerikan, Donald Trump.

Konstantin Malofeev, financier nacionalist i cili është nën sanksione perëndimore, në një intervistë për Bloomberg tha se Moska mund të hedhë poshtë çdo marrëveshje që kërkon kompromise shtesë, duke përfshirë dhe detyrimin ligjor për statusin neutral të Kievit. Njëkohësisht tha se shanset janë “50:50” për një marrëveshje eventuale me Trumpin.

Fjalët e Malofeevit janë të fundit në morinë e sinjaleve se Moska nuk ka vullnet që negociatat ti bëjë shpejtë dhe ato të jenë të lehta, që është dhe njëri ndër premtimet kryesore të Donald Trump, i cili deklaroi se do ti jep fund luftës në Ukrainë për 24 orë.

Ndonëse nuk është zyrtar i administratës së presidentit rus Vladimir Putin, Malofeev është përfaqësues i veçantë i linjës së fortë në Rusi i cili ka harxhuar miliona dollarë në realizimin e qëllimeve të Kremlinit, duke përfshirë dhe promovimin përmes televizionit të tij Tsargrad TV.

“Paqja nuk është dhuartë që Rusia e pret – jemi duke fituar”

“Me rëndësi është që administrata e ardhshme amerikane ta kuptoj se paqja nuk është dhuratë që Rusia e është duke e pritur, se do filloj të bisedoj me ne dhe ne do të bëjmë kompromise për gjithçka,” tha Malofeev në Dubai.

“Paqja për momentin i përgjigjet Ukrainës dhe SHBA-së, por neve nuk na sjell kurrfarë dobie, sepse jemi duke fituar,” shtoi manjati rus.

Pëparimi rus në lindje të Ukrainës vazhdon, në javët e fundit është pushtuar territori ukrainas si kurrë më parë në këtë vit. Msoka ka aktualisht në fokus zgjerimin e këtij pushtimi, janë shprehur për Bloomberg muajin e kaluar burime të afërta me Kremlinin.

E paqartë mbetet në vendimet e fundit të Washingtonit për të mbështetur Kievin, me miratimin e përdorimit të raketave perëndimore me rreze të gjatë veprimi brenda territorit rus, a mund të ndryshoj situatën në terren.

Pika e kthesës

Malofeev ka përshëndetur deklaratat e presidentit ukrainas Volodymyr Zelenskyy, ku të premten sugjeron se është i gatshëm të pranoj paqen me Rusinë ku do të linte pjesë të pushtuara të Ukrainës në këmbim me garanci të sigurisë nga NATO, për rajonet që kontrollohen nga Kievi. Malofeev këto komente i konsideron si “pikë kthese” që tregojnë se Zelenskyy është i hapur për ti dhënë fund luftës pa kthimin e të gjithë territorit.

Lideri ukrainas më vonë është munduar ta tërheq këtë deklaratë, duke theksuar se propozime të këtij lloji nuk ekzistojnë. Mirëpo, asnjë plan i tillë për ti dhënë fund luftës nuk ishte i mjaftueshëm për Moskën.

Në fakt, Malofeev tha se Rusia nuk do ta ndalon luftën deri sa Ukraina të mos ndryshoj qëndrimin e saj për të garantuar status neutral dhe të përjashtoj anëtarësimin në NATO, si dhe të bie dakord për kufizime të rrepta të përmasave të ushtrisë së saj dhe ndërprerjen e furnizimit me armë nga SHBA dhe aleatët e saj.

“Fundi i luftës në Ukrain është larg”

Parashikimet e tij pasqyrojnë qëndrimet e zyrtarëve të lartë rus të cilët gjatë ditëve të fundit kanë deklaruar se lufta në Ukrainë është larg.

Ministri rus i Punëve të Jashtme, Sergei Lavrov, ka përsëritur kërkesat për çarmatimin e Ukrainës, shpalljen e neutralitetit të saj dhe pranimin e realitetit të ri politiko-territorial, gjatë një interviste në gazetën Ruska Gazeta.

Ndërkohë, Putin vazhdon ta ashpërsoj retorikën e tij. Të enjten paralajmëroi se forcat e tij mund të godasin qendrat vendimmarrëse në kryeqytetin e Ukrainës me raketa të reja balistike në shenjë hakmarrjeje për sulmet ndaj Rusisë duke përdor raketa perëndimore.

Supozimi se kërkesat e Kremlinit do të ndryshojnë pasi administrata e re amerikane ta merr pushtetin do të ishte i gabuar, tha Malofeev duke shtuar se kjo mund të përshkallëzoj konfliktin me Administratën Trump.