Aleksandar Vuçiç: As që na shkon nëpër mend ta pranojmë pavarësinë e Kosovës!
U kthye nga rruga që ishte nisur drejtë Banjës së Drenicës por nuk nxiti masën e serbëve që ishin mbledhur në veri të Mitrovicës. Ishte shumë më i kujdesshëm se sa dje, por Aleksandar Vuçiç u bëri me dije serbëve të mbledhur dhe të gjithë atyre që thonë se kjo qeveri do ta pranoj pavarësinë e Kosovës deri në fund të këtij viti, se askujt prej këtij pushteti nuk i shkon ndër mend që të marr pjesë në një nismë të tillë
“Nuk e di se sa do të më dëgjoj Serbia por nuk mund të heshtë dhe nuk guxoj, dhe aq më pak të bëhem i ngathtë ose i çmendur. Populli ma dha besimin e mandati është ai që e ka përcaktuar Peshkopi Nikollaj: nëse duhet ta mbrojë veten, duhet të heshtë, nëse duhet të mbrojë të vërtetën, duhet të flas,” tha Vuçiç para të pranishmëve duke shtuar se e ka për të detyrë të flas për ëndrrat e parealizuara dhe iluzionet, për atë se çfarë kanë besuar serbët se janë më të fuqishëm se të tjerët dhe që të gjithë janë të krisur, dhe më të dobët se ata. E përsëriti edhe me këtë rast se për të Sllobodan Millosheviç ishte lider i madh, por:
“Serbët kanë dhënë jetën për Knin, Sarajevë dhe Prishtinë, dhe sot atje ka më pak serbë se sa që ishin dikur. Nuk ka serbë, jo pse të tjerët ishin më të fortë dhe më të mençur, por sepse nuk e kemi kuptuar se nuk jemi të vettmit në këtë botë dhe se pa botën nuk bëhet,” tha Vuçiç duke shtuar se e kemi parë dhe e kemi dëgjuar vetëm veten tonë
“Kemi paguar çmimin dhe nuk jemi bërë më të mëdhenj ashtu siç e kanë menduar disa, e sot pa asnjë pikë gjaku të derdhur bëhemi më të mëdhenj, sepse punojmë, dhe nuk luftojmë, fëmijët rriten, dhe nuk i varrosim pas bombardimeve. E puthim tokën e fëmijëve tanë, të parëve tanë, sot kemi vendin tonë në botë, çdo ditë jemi më të nderuar, në Bruksel, Washington dhe natyrisht në Moskë, dhe falënderoj miqtë tanë në Rusi që gjithmonë ishin me ne,” tha Vuçiç.
Pavarësinë e Kosovës nuk e pranoj
Kompromisi është, tha ai, që secili të marr diçka dhe askush të mos i merr të gjitha, dhe nuk dua të punoj kundër vendit tim ndërsa ju rikthye krahasimit me të kaluarën siç bëri në fjalimin e tij para se të nisej drejtë Kosovës.
“Puna ime nuk janë mitet por realiteti. Ajo që është tani këtu, në këtë Kosovë në këtë Serbi. Disa herë kemi rënë nga Serbia qiellore dhe më nuk kemi se kë të dërgojmë në qiell, nga qielli njerëzit nuk kthehen,” tha Vuçiç duke përsëritur se serbët nuk po lindin sa duhet dhe po vdesin shumë, po braktisen qytetet dhe fshatërat.
“Këtu keni mbetur më të fortit më trimat. Por mos harroni se në fillim të viteve ’90-të kishte tri herë më shumë serbë në Kosovë se sot. Për këtë arsye sot nuk këndoj këngë lufte dhe nuk dua t’ju nxis. Nuk do të lejoj që dikush të përdor armatim dhe armë kundër neve,” tha presidenti i Serbisë dhe duke iu përgjigjur atyre që flasin për pranimin e pavarësisë së Kosovës nga ky pushtet deri në fund të këtij viti: “As që i ka shkruar dikujt nëpër mend ta bëjë një gjë të tillë
