Aleksandar Vuçiç bëhet gati për luftë
Presidenti i Serbisë, Aleksandar Vuçiç ka urdhëruar Ushtrinë dhe shërbimin sekret BIA që të ndërprejë çdo komunikim me Policinë e Kosovës, KFOR-in dhe çfarëdo lloj përfaqësuesi shqiptar ose ndërkombëtar i cili vepron në territorin e Kosovës, në lidhje më vizitën e tij në Kosovë, bënë të ditur televizioni publik i Serbisë, RTS.
Vuçiç deri në orët e vona mbrëmë ka shqyrtuar me bashkëpunëtorët e tij situatën e krijuar, por mendimet ishin të ndara nëse ai duhet të shkoj në Kosovë apo jo, dhe ai sonte pritet të marrë vendimin përfundimtar.
Vizita e Presidentit të Serbisë në Kosovë, thekson RTS, është paralajmëruar për ditën e shtunë dhe të diele, por papritmas është vënë në pikëpyetje pas informacioneve që Prishtina zyrtare mendon ta parandaloj vizitën e tij në Ujman.
Ky hezitim vjen pas deklaratës së kryetarit të Parlamentit të Kosovës, Kadri Veseli se mund të ndodhë që presidentit të Serbisë ti ndalohet hyrja në Kosovë dhe mund të kaloj si Marko Gjruiç para pak kohësh, thekson RTS duke cituar Veselin.
“Nuk e di se a do të vjen Vuçiç në Kosovë, i kemi dhënë leje, por me destruktivitetin e stabilitetit të Kosovës ajo vihet në pikëpyetje. Shkaku i dytë, ai nuk ka arsye të shkoj në Ujman dhe nuk dihet nëse do të vjen.”
Në fakt, e vërteta është se kryetari i Parlamentit të Kosovës, Kadri Veseli në paraqitjen e tij publike vetëm ka bërë të ditur përmbajtjen e përgjigjes së autoriteteve kosovare, ku Presidentit të Serbisë, Aleksandar Vuçiç i është thënë se nuk mund të qëndroj tek liqeni i Ujmanit. Ky joseriozitet shtetëror i Kosovës, me leximin e shkresave zyrtare në publik, ka acaruar Presidentin e Serbisë, i cili e nxjerrë zbuluar atë karshi serbëve të Kosovës.
