Aleksandar Vuçiç nxitë luftë por sot Mogherini heshtë!
Presidenti i Serbisë, Aleksandar Vuçiç nuk ëshiron zgjidhjen e problemit. Sot është më shumë se kurrë e qartë se ai dëshiron luftë dhe fajtorët për këtë delir të Vuçiçit nuk janë as shqiptarët e madje as Moska që e mbështetë, por vetëm Bashkimi Evropian i cili që nga përfundimi i luftës në Kosovë është përqendruar në anëtarësimin e Serbisë në BE me të gjitha mjetet, dhe ajo sot është llastuar.
“Kemi informacione për lëvizjen e trupave shqiptare nga baza Belvedere në Vrellë drejtë veriut të Kosovës,” tha Vuçiç në fillim të takimit me përfaqësuesit e serbëve të Kosovës, jo duke diskutuar për çështjen për të cilin po bënte show mediatik rreth taksave të vendosura nga Qeveria e Kosovës për produktet serbe, por tashmë duke folur edhe për skenare lufte:
“Është e mundshme që po lëvizin drejtë liqenit në kontroll për të treguar muskujt dhe të kontrollojnë kalimin në veri, në mënyrë që të parandalojnë çfarëdo importi të mallrave,” tha Presidenti i Serbisë duke gënjyer si për kontrollin ashtu edhe qarkullimin e mallrave. Sikur edhe të ishin nisur drejtë liqenit, kontrolli atje është rutinë ndërsa vendimi i Qeverisë nuk ka të bëjë me bllokimin e qarkullimin të mallrave por me taksimin e tyre 100 %.
Dhe, vazhdoi me vajtimin tradicional që nga krijimi i shtetit serb:
“Ne e dimë se në çfarë pozite të vështirë jeni ju, pavarësisht nëse jetoni në jug ose veri të lumit Ibër. Masat e Prishtinës, fillimisht me taksën 10 për qind e më pas 100 %, nënkuptojnë ndalimin e tregtisë në tërësi,” tha Vuçiç duke shtuar:
“Duhet të shmangim konfrontimet, duhet të jemi të fortë njëri pranë tjetrit, dhe me mjetet paqësore dhe politike të luftojmë,” tha Aleksandar Vuçiç ndonëse të gjithë ata që i kishte përballë, që nga viti 1999 shquhen për luftë me shqiptarët, keqtrajtim, përdhunim e vrasje të shqiptarëve, por asnjëri prej tyre me mjete paqësore, aq më shumë politike.
Ndryshe, sot kur në Kosovë përveç Policisë së Kosovës dhe FSK-së vepron KFOR-i dhe mbi 60 Shërbime sekrete dhe Agjenci të ndryshme të sigurisë, Presidenti i Serbisë i “shet” popullit të vetë informacione që ka për çdo lëvizje në tokën kosovare, ashtu siç bënë 100 vitet e fundit Mbretërit serb, Pashiçi, Rankoviçi, Millosheviçi, dhe sot Aleksandar Vuçiç.
