Ali Ahmeti: Shqiptarët do t’i përgjigjen pozitivisht referendumit

Kreu i BDI-së Ali Ahmeti është i bindur se shqiptarët do t’i përgjigjen pozitivisht referendumit eventual, i cili sipas paralajmërimeve do të mbahet në vjeshtë. Ahmeti tha se zgjidhja e emrit është e një rëndësie të madhe, pasi në këtë mënyrë sigurohet ardhmëria e Maqedonisë.

“Unë mendoj që shqiptarët janë të përgjegjshëm, e dinë rëndësinë e kësaj çështje kaq të madhe, të ardhmen e shqiptarëve të Maqedoni dhe vendit dhe do t’i përgjigjen pozitivisht referendumit,” tha Ali Ahmeti duke shtuar se shqiptarët do të jenë pjesëmarrës dhe vulosës të këtij procesi.

“Një proces jashtëzakonisht i rëndësishëm mbi të ardhmen mbi perspektivën, por edhe njëherë kontribuues të mëdhenj të paqes, stabilitetit dhe sigurisë dhe ardhmërisë së këtij vendi,” përfundoi kryetari i BDI, Ali Ahmeti.