Alibeaj sillet si ministër i Ramës, Berisha: S’ka tagër të mbledh Grupin, Kryesia nuk është shkarkuar!
Në mesin e 20 deputetëve të fundit të Grupit Parlamentar të PD që po përpëliten për të mbrojtur interesat e Edi Ramës dhe Lulzim Bashës janë dy Ish-Ministra të Drejtësisë, por kjo deri më sot nuk iu hyri në punë sepse artikulojnë vetëm paligjshmëri.
Të zot nuk ishin ta mbajnë partinë por rezulton se nuk e mbajnë dot as pjesën e pjesës së Grupit Parlamentar. Dhe, sot, në daljen e përjavshme, ai që e akuzojnë se i ka ikur koha, lideri historik i PD, Sali Berisha, e sqaroi thjeshtë se ai që e bënë Kryetarin e Grupit, Enkelejd Alibeaj, nuk ka tagër ta thërras mbledhjen sepse është shkarkuar por këtë mund ta bëjë Kryesia e cila nuk është shkarkuar.
Dhe, pikërisht siç tha Berisha, Alibeaj po sillet si ministër i Edi Ramës, ai ashtu veproi. Detyroi zëdhënësen Orjola Pampuri të thotë me paturpësi se u mblodhë Kryesia në orën 9:15, e kur u bë e ditur se dy nënkryetarët kishin kërkuar të mbahet në orën 17:00 për shkak të impenjimeve, Alibeaj e nxori atë analfabetin Sekretar të Grupit i dashuruar në Edi Ramën, për të thënë se kishte thirrur Kryesinë por nënkryetarët Salianji dhe Boçi nuk erdhën.
Gjithsesi 20 deputetë me dy shefa, Ramën dhe Bashën, ndoshta nuk është e lehtë të zbatojnë politikbërjen ndërsa lideri historik i PD u pyet edhe për akuzat që u bënë për rikthimet në PD nga kjo njëzetëshe e famshme, që tashmë është e qartë se për interes të kujt akuzojnë me libër shpie.
“Politika ka një moral. Myslim Murrizi, Rudina Hajdari ishin dy deputetë që nuk u pajtuan me djegien e mandateve nga PD. Në Kuvendin e 30 prillit u votua një rezolutë ku dënohej ky akt dhe përcaktohej. Zoti Murrizi dhe zonja Hajdari meritonin plotësisht vendet e tyre në PD për qëndrimet që mbajtën. Asnjëri prej tyre nuk devijuan nga qëndrimi opozitar. Në këtë kontekst, në politikë nëse njeh gabimet, denoncon gabimet, je i detyruar t’u japësh të drejtën atyre që nuk i pranuan në kohë. E njëjta gjë është edhe me zonjën Topalli, e cila bashkë me zotin Patozi, Arben Imami dhe me të tjerë me një pusi të shëmtuar politike u asgjësuan si politikanë në PD. E kam thënë atëherë edhe publikisht
Me aktin dhe pusinë që u zuri Basha atyre u dha të drejtë, të drejtën e zotit për të ndërmarrë çdo akt politik ndaj tij. Nuk mund të veprohej në atë mënyrë kurrë. Ai mund të kishte kundërshtira me ta, mospëlqime, por nga ish-nënkryetarë partie, nga ish-drejtues për 25 vite individë për të cilët nuk kishte asnjë fakt, provë, dokument se kishin shkelur ligjet, t’i bëje të paqenë vetëm se të bënin hije ty dhe kjo ishte e vërteta. Ai kthim jo se ishte i duhur, por i vonuar. Unë mund të them se për kohën që ata ishin qëndruan opozitë e vërtetë për PD, në çdo rrethanë,” tha Sali Berisha.
Lideri historik i PD sqaroi se sot Këshilli Kombëtar do të mblidhet për të përcaktuar qëndrimin e Partisë Demokratike ndaj zgjedhjes së Presidentit të Republikës ndërsa ajo që po ndodhë me Grupin Parlamentar tha se është e vepër e Enkelejd Alibeajt i cili po sillet si ministër i Edi Ramës.
“Gjithçka zhvillohet në atë proces. Deri sot është bërë e qartë se është manipulimi i pastër i Edi Ramës. Nga zarfet sekrete si në shpellat e Cosa Nostra-s, tek angazhimi dhe loja me kukulla e opozitë të emëruar, i tëri ky është skenar i turpshëm dinjitoz vetëm për kreun e organizatës kriminale të qeverisë shqiptare. Askush tjetër ndonjëherë nuk ka ndërmarrë një proces të tillë në historinë e vendit. Ky është procesi më i diskretituar që mund të zhvillohet dhe bëhet ndonjëherë. Këshilli Kombëtar është organi më i rëndësishëm i PD pas Kuvendit. Ai mblidhet sot për të përcaktuar qëndrimin e PD ndaj këtij procesi e për të marrë vendimin politik.
Natyrisht parimet janë të qarta. Edi Rama nuk mundet, do të haset me opozitën e vërtetë. Ky është ajo që unë mund të them. Është e kotë të diskutohet për emrin që diskutuat, veçse ai s’bën gjë tjetër vetëm sillet si ministër i Ramës,” tha lideri historik i PD, Sali Berisha duke saktësuar se Enkelejd Alibeaj nuk mund ta thërras mbledhjen e Grupi Parlamentar sepse është shkarkuar por është Kryesia e Grupit që ka këtë tagër dhe nuk është shkarkuar.
“Pse kemi shkarkuar zotin Alibeaj, se kemi shkarkuar kryesinë e grupit parlamentar. Dje bëmë një deklaratë në të cilën u shkrepën se Alibeaj është i tëri në funksion të lojës së Edi Ramës. Është i shkarkuar dhe nuk ka dhe s’mund të ketë asnjë tagër për të thirrur Grupin Parlamentar. Vendimet e kryesisë do të respektohen!”, tha Berisha.
Në këtë dalje të përjavshme lideri historik i PD, Sali Berisha, tha se do të kandidoj për Kryetar të Partisë Demokratike dhe se i ka plotësuar dokumentet.
“Do i dorëzojë dhe do t’u drejtohem shqiptarëve në mënyrën më besimplotë se kandidoj si dëshmi e respektit, e pasionit tim për të ndryshuar për mirë jetën e tyre. Nuk mundet të pajtohem unë kurrë me këtë situatë që shqiptarët janë regjistruar në një komb që lindin fëmijë për emigracion. Pyetja juaj e dytë nuk qëndron. Më vjen keq të dal në këtë çështje. Unë do të jem një lider referendar, i zgjedhur në referendum popullor. S’ka armë më të fuqishme. Pra, nëse të tjerë nuk marrin përsipër të kandidojnë për arsye të tyre, unë i garantoj për garë të ndershme, unë e them dhe e them, s’jam unë Edi Rama që shpik rivalë. Atë se bëj, është ‘fake’, antidemokratike. Kush të dojë, ka një komision që përcakton çdo rregull.
Atëherë mbetet referendumi, dhe unë në datën 22 maj nëse zgjidhem me një referendum të mbarë demokratëve, nëse nuk zgjidhem, i nënshtrohem verdiktit të tyre referendar.”
