Alo Qeveria, Denoncon PD: Shqiptarët pa bukë, Edi Rama dhe Olta Xhaçka sapo dhanë një tender 1,5 milionë euro!
Partia Demokratike përmes Ish-Deputetit Enkelejd Alibeja akuzon Qeverinë se gënjen dhe bën propagandë me Rezervat e Shtetit kur thotë se ka furnizim për 3 muaj me ushqime. Ndërkohë informon shqiptarët që janë pa bukë se Edi Rama dhe Olta Xhaçka sapo dhanë një tender 1,5 milionë euro.
“Të dashur shqiptarë, rezervat e shtetit kanë zero ushqim për ju! Nuk e kanë mendjen te ju! Nuk u duhet fare, nëse frigoriferin e keni plot apo bosh, nëse keni ilaçe, nëse ju ngelin lekë për të paguar dritat apo ujin, jo! E kane mendjen si të vjedhin, si të ndajnë paratë tuaja me miqtë dhe oligarkët.”
Alo Edi, Alo Xhaçka, i bënë thirrje Ish-Deputetit i Partisë Demokratike, Enkelejd Alibeaj, dy protagonistëve të kësaj maskarade edhe kur vendi është në shtetrrethim si masë parndaluese e qeverisë për përhapjen e COVID-19:
“Dilni jepni shpjegime pse u vonua 1 muaj tenderi për blerjen e ushqimeve! Si u përzgjodh kompania fituese e tenderit, me apo pa garë? Kush e fitoi tenderin?”
Deklaratë
Të dashur shqiptarë, nga data 12 Mars 2020, Partia Demokratike i ka bërë thirrje Qeverisë që të sigurojë ushqime dhe ndihma për familjet në nevojë dhe pensionistët e vetmuar në këtë situatë të rënduar.
Ministria e Mbrojtjes drejton Rezervat e Shtetit dhe vetëm pas presionit të Opozitës dhe qytetarëve, 10 ditë pas fillimit të krizës, filloi shpërndarjen e ndihmave, në mënyrë selektive, si të ishit njëri i nënës, tjetri i njerkës. Qeveria bën propagandë me Rezervat e Shtetit se ka furnizim për 3 muaj me ushqime. Gënjen!
Të dashur shqiptarë, rezervat e shtetit kanë zero ushqim për ju! Nuk e kanë mendjen te ju!
Nuk u duhet fare, nëse frigoriferin e keni plot apo bosh, nëse keni ilaçe, nëse ju ngelin lekë për të paguar dritat apo ujin, jo! E kane mendjen si të vjedhin, si të ndajnë paratë tuaja me miqtë dhe oligarkët.
Ju jeni pa bukë, Edi Rama dhe Olta Xhaçka sapo dhanë nje tender 1,5 milion euro.
Alo Edi, Alo Xhaçka, Dilni jepni shpjegime pse u vonua 1 muaj tenderi për blerjen e ushqimeve! Si u përzgjodh kompania fituese e tenderit, me apo pa garë? Kush e fitoi tenderin?
Në pritje të përgjigjeve nga Alo Qeveria!
