Alvini në Romë/ Lleshaj e pranon: Po, po e përdorim politikisht…

Ministri i Brendshëm, Sandër Lleshaj, sot bashkë me protagonistët e shpëtimit dhe largimit të 11-vjeçarit shqiptar Alvin Berisha nga Siria duke falënderuar nga Roma të gjithë ata që ndihmuan në këtë operacion, e pranoi se kjo ngjarje po përdoret politikisht ndërsa shtoi se terrorizmi dhe ekstremizmi nuk kanë vend në shoqërinë tonë.

“Gjithçka erdhi pas takimit të dy kryeministrave Conte e Rama në Romë, operacioni u ndoq nga ata të dy drejtpërdrejt. Aspekti diplomatik përfshiu dy ambasadat në Romë dhe ambasadën italiane në Bejrut. Ka pasur një aspekt të rëndësishëm policor ku janë angazhuar policitë e dy vendeve dhe së fundmi por jo nga rëndësia ka qenë aspekti humanitar ku janë angazhuar Kryqi i Kuq ndërkombëtar dhe Gjysmëhëna e kuqe.”

Lleshaj tha se nuk do të hyj në detaje të operacionit por km ardhur për të shprehur mirënjohjen e qeverisë shqiptarë për të gjithë aktorët e përfshirë.

“Së pari, për autoritetet policore të Italisë e Shqipërisë, për presidentin e Kryqit të Kuq italian e Ndërkombëtar dhe presidentit të Gjysmëhënës së Kuqe Siriane. Po ashtu dua të përshëndes autoritetet diplomatike që u përfshinë në këtë operacion. Ishin autoritetet libaneze që mbështetën me gjithë kapacitetet e tyre operacionin në terren.”

Rasti ka marrë një vëmendje të madhe dhe të gjitha insinuatatat për përdorim politik Ish-Gjeneral Sandër Lleshaj is huan nga Roma:

“Unë them po! Po e përdorim politikisht për të dhënë disa mesazhe të rëndësishme që duhet të vlejnë si eksperiencë pas këtij operacioni. Alvin Berisha është një nga ato rastet që duhet të na tregojë se terrorizmi, ekstremizmi nuk duhet të ketë vend në shoqëritë tona.”