Ambasada e SHBA: 32 vite më parë u rivendosën marrëdhëniet diplomatike me Shqipërinë
Duke rikujtuar 32 vjetorin e rivendosjes së marrëdhënieve diplomatike në mes të Shteteve të Bashkuara dhe Shqipërisë, Ambasada e SHBA në Tiranë publikon aktin e firmosjes së Memorandumit të Mirëkuptimit në Washington DC, më 15 Mars 1991, nga Ministri i Jashtëm i Shqipërisë, Muhamet Kapllani, dhe Ndihmës Sekretari i Shtetit i SHBA Raymond G.F. Seitz.
“Si sot 32 vite më parë, më 15 mars 1991, Shtetet e Bashkuara dhe Shqipëria rivendosën marrëdhëniet diplomatike. Pas 52 vitesh ndarje, Ministri i Jashtëm i Shqipërisë Muhamet Kapllani dhe Ndihmës Sekretari i Shtetit i SHBA Raymond G.F. Seitz nënshkruan Memorandumin e Mirëkuptimit në Washington DC, i cili parashikonte hapjen e Ambasadës përtej Atlantikut, në Shqipëri,” shprehet Ambasada e SHBA në Tiranë duke sjellë dhe artikullin e botuar më 16 mars 1991 në News York Times që flet mbi rivendosjen e marrëdhënieve diplomatike .
Ndërkohë Drejtoria e Përgjithshme e Arkivave, DPA, sjellë në vëmendje dhe publikon vendimin e radhës pas firmosjes së Memorandumit të Mirëkuptimit, çeljen e Ambasadës shqiptare në Washington.
Që pasoi me vendimin e Këshillit të Ministrave për hapjen e Ambasadës së Shqipërisë në SHBA, sigluar nga Kryeministriu Fatos Nano.
Ndërkohë, Ambasada e SHBA në Tiranë u hap më 1 tetor 1991, me Kristofer Hill të Ngarkuar me Punë “ad interim”. Hill u pasua nga ambasadori William Eduin Rajerson, i cili ia paraqiti kredencialet e tij qeverisë shqiptare më 21 dhjetor 1991.
