Ambasada e SHBA jep detaje për policët që konfiskuan 99 pistoleta

Ambasada e SHBA në Prishtinë ka njoftuar se policët që kanë reaguar dhe hetuar rastin e kontrabandimit me armë, që rezultoi me arrestimin e tre personave dhe konfiskimin e 99 pistoletave, municionit dhe gjërave tjera, kanë pranuar trajnim të sponzoruar nga SHBA.

“Pas një hetimi intensiv tre-mujor rreth kontrabandimit ilegal, më 21 mars, Drejtoria për Hetimin e Krimeve Ekonomike dhe Korrupsion e Policisë së Kosovës, ka arrestuar tre persona dhe ka konfiskuar gjithsej 99 pistoleta, ilaçe të kontrabanduara, detergjent për larjen e enëve, automjete, municion dhe para. Policët që reaguan dhe hetuan këtë rast kanë pranuar trajnim të sponzoruar nga SHBA,” thekson Ambasada e SHBA në Prishtinë në reagimin e saj përmes rrjetit social Facebookduke përfunduar.

“Është mirë të shohim aftësitë e tyre të vëna në praktikë për të bërë Kosovën një vend më të sigurt.”