Ambasada e SHBA: Prokurorët e SPAK, vizitë studimore në Washington!
Prokurorët SPAK-ut po marrin pjesë në një vizitë studimore në Washington DC. Lajmin e ka bërë të ditur Ambasada e SHBA në Tiranë duke shtuar se do kenë dhe takime me Departamentin e Shtetit, Departamentin e Drejtësisë, Administratën kundër Narkotikëve, DEA, dhe Byronë Federale të Hetimit.
“Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë, OPDAT, zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale, ICITAP,” shprehet Ambasada e SHBA në Tiranë duke shtuar se Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës ndërsa përfundon:
“Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve, DEA, dhe Byronë Federale të Hetimit, FBI.”
Ndryshe, duke pasur parasysh se në mesin e këtyre prokurorëve janë dhe Arben Kraja dhe Enkeleda Millonai dhe servilizimin e lindur të çdo komunisti shqiptar, u sqarua më në fund pse SPAK kishte gjithë atë nxitim me pranga në duar për familjen e Sali Berishës, pa pyetur për procedura, ligj dhe Kushtetutë.
Njoftim:
Zyrtarë të lartë të SPAK-ut po marrin pjesë në një vizitë studimore në Uashington, DC këtë javë. Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP). Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës. Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI).
