Ambasada e SHBA: Të mohuarit e mizorive ofendon kujtimet për viktimat!

Ambasada e SHBA në Kosovë, ka ngushëlluar sot familjet e viktimave në luftën e fundit në Kosovë.

Ambasada e Shteteve të Bashkuara thekson se të mohuarit e mizorive ofendon kujtimet për viktimat, i traumatizon familjet edhe më shumë, dhe minon përparimin në ndërtimin e një shteti demokratik dhe shumetnik.

“Gjersa Kosova përkujton 20 vjetorin e mizorive të luftës, Ambasada e SHBA-ve shprehë ngushëllimet e sinqerta familjeve të viktimave. Të mohuarit e mizorive ofendon kujtimet për viktimat, i traumatizon familjet edhe më shumë, dhe minon përparimin në ndërtimin e një shteti demokratik dhe shumetnik,” thekson Ambasada amerikane duke shtuar se përkushtimi ndaj së vërtetës për të kaluarën e luftës është jetësor për një të ardhme paqësore.

“Ne po ashtu nxisim udhëheqësit e Kosovës nga radhët e gjitha bashkësive që të përmbahen nga retorika ndezëse. Përkushtimi ndaj të së vërtetës për të kaluarën e luftës është jetësor për një të ardhme paqësore”, thuhet në njoftimin e Ambasadës së SHBA-së.”