Ambasadori i BE i dorëzon Qeverisë shqiptare Raportin e Progresit, mesazh për klasën politike
Pas miratimit të djeshëm të paketës së zgjerimit nga ana e KE, që përfshin dhe Raportin e Progresit për Shqipërinë, sot Ambasadori i Bashkimit Europian në Tiranë, Silvio Gonzato, ia dorëzoi këtë raport Kryeministrit Edi Rama ndërsa renditi rezultatet e shkëlqyera në proces dhe shqetësimet për lirinë e shprehjes, mohim i cili i ka shërbyer çdo qeverie komuniste shqiptare ndryshe e ka humbur betejën me të vërtetën.
“Rezultat i shkëlqyer dhe shpejtësi e jashtëzakonshme e procesit. Duhet të shfrytëzojmë mundësinë unike pasi jemi në një fazë vendimtare, ku do të testohet vullneti i Shqipërisë për t’u përafruar me legjislacionin e BE, ku deri tani kemi bërë një punë të shkëlqyer.
KE gati të mbështesë Shqipërinë për negociatat. Prioritet i menjëhershëm është përmbushja e piketave të ndërmjetme, janë aq të rëndësishme saqë pa përmbushjen e tyre nuk mund të mbyllet asnjë kapitull.
Më lejoni të them dëshiroj të përshendet krijimin e komisionit parlamentar për reformën zgjedhore. Ne besojmë që puna e këtij komisionit do të jetë transparente dhe efektivitetin në arritjen e një reforme të plotë zgjedhore,” tha Ambasadori Gonzato duke mos harruar shqetësimet për lirinë e shprehjes ku Shqipëria ka bërë përparim të kufizuar ku sot Kryeministri Edi Rama e konfirmoi se nuk e ka as ndërmend të shënoj progres duke refuzuar ti përgjigjet pyetjeve për skandalin që shpërtheu me Zv.Kryeministren Belinda Balluku që sot është edhe e pandehur.
“Duhen intensifikuar përpjekjet për përafrimin me legjislacionin e BE.
Ligji për barazinë gjinore të jetë në përputhje me standardet e BE.
Një fushë e rëndësishme për shqetësimet është liria e shprehjes, ku Shqipëria ka bërë përparim të kufizuar.”
Në fund, Ambasadori i Bashkimit Europian në Tiranë, Silvio Gonzato, kishte një mesazh për klasën politike shqiptare, duke theksuar rëndësinë e dialogut dhe debatit konstruktiv në Parlament.
“Parlamenti ka një rol kyç për të luajtur. Thirrja ime është që të kenë dëshirë të japin kontributin e tyre. Padiskutim që ka edhe kritika, sepse ky është Kuvendi. Debatet duhet të bëhen. Shqiptarët duhet të kuptojnë se çfarë janë këto reforma. Ne sigurohemi që të jenë afatgjata.”
Ndryshe, pas dorëzimit të Raportit të Progresit të KE në qeverinë shqiptare, Ambasadori i BE në Tiranë, Silvio Gonzato, tha se do t’ja dorëzoj sot edhe ministres Spiropali ndërsa gjatë javës do t’ia paraqes edhe Presidentit, partive politike dhe Kryetarit të Parlamentit.
