Ambasadori i Kosovës viziton Tomor Morinën në burgun e Shkupit

Ambasadori i Kosovës në Maqedoninë e Veriut, Gjergj Dedaj, ka vizituar sot në Shkup, Ish-Ushtarin e Ushtrisë Çlirimtare të Kosovës, Tomor Morina i arrestuar nga policia maqedonase më 24 korrik, bazuar në një fletarrest të Interpol Serbia.

“Tomori ishte shumë mirë, i qetë, ndihej plotësisht i pafajshëm, dinjitoz si dhe optimist, në pritje të lirimit, ngase drejtësia është në anën e tij dhe presim që shumë shpejt, do të kthehet në familjen e tij dhe në Kosovë,” thekson Dedaj përmes rrjetit social Facebook.

Një ditë më parë, ministria e Drejtësisë e Maqedonisë së Veriut, i ka dorëzuar Gjykatës Themelore “Shkupi1” kërkesën e Serbisë, për ekstradimin e Morinës, raporton RFE.

Tomor Morina, që aktualisht gjendet në burgun e Shkupit, dyshohet nga ana e autoriteteve të Serbisë se para 20 vjetëve, ka kryer krime kundër popullatës civile në Kosovë.