Ambasadori i OSBE ngatërron misionin: Kemi një datë zgjedhjesh. Pikë!
Ndodhë shpesh në Shqipëri që gazetarët të jenë shumë më të aftë dhe më të përgjegjshëm se diplomatët shqiptarë. Por kur kjo ndodhë edhe me Ambasadorin e Organizatës për Siguri dhe Bashkëpunim në Evropë, OSBE, në nëj vend si Shqipëria, kur partitë politike janë në kulmin e tensionit dhe situata po përshkallëzohet gjithnjë e më shumë, atëherë situata bëtë shumë më shqetësuese.
Sot, kreu i Prezencës së OSBE-së në Shqipëri, Ambasadori Bernd Borchardt pas takimit me partitë e vogla që u quajtën opozitare, u pyet nëse është ide e mirë shtyrja e zgjedhjeve për t’u dhënë kohë partive të gjejnë kompromis; Ambasadori i OSBE me një gjuhë thuajse po vinte nga një kurs diplomatik i Edi Ramës u shprehë:
“Për momentin kemi një datë zgjedhjesh, 30 Qershorin. Pikë. Ndryshimi i datës është një proces i ndërlikuar.”
Por gazetarët i thanë se nuk është diçka e padëgjuar ose që nuk kishte ndodhur në Shqipëri, madje këtë ia kishin kujtuar pikërisht liderët e këtyre partive se diçka e tillë ka ndodhur me certifikatat në vitin 2007. Dhe, pse është e ndërlikuar këtë herë pyetën gazetarët, dhe Ambasadori i OSBE që ka për mision ndihmën dhe jo kërcënimin reflektoi çuditshëm:
“Sigurisht që shtyrja e zgjedhjeve ndodhi në 2007-n, por a është kjo një zgjidhje e mirë? Kjo është diçka që duhet ta vendosin aktorët politikë në vend. Pastaj, vetëm shtyrje? Çfarë do të ndryshonte kjo?”
I pyetur nëse ka një propozim konkret, Ambasadori i OSBE në Tiranë, Bernd Borchardt sërish foli thuajse po i drejtohet deleve dhe jo njerëzve, në këtë rast edhe gazetarë që ishin shumë më në nivel se ai si në aspektin diplomatik ashtu edhe atë të sigurisë dhe bashkëpunimit:
“Kjo nuk na takon neve. Ne i nxitim partitë politike të ecin përpara, të gjejnë zgjidhje dhe ne jemi ata që mund të japin ekspertizë se cilat zgjidhje mund të funksionojnë dhe si mund të funksionojnë. Por se cila do të ishte zgjidhja e mirë për një vend, ky është një vendim sovran. Ne vetëm mund të këshillojmë për funksionimin e këtyre zgjidhjeve.”
Kur fol kështu kreu i Prezencës së OSBE, nuk është e tepërt ti kujtojmë Ambasadorit Bernd Borchardt se OSBE i ndihmon shteteve pjesëmarrëse të saj të ndërtojnë institucione demokratike, të mbajnë zgjedhje demokratike të vërteta dhe transparente; të garantojnë respektimin e të drejtave të njeriut, lirisë së medias, të drejtave të pakicave kombëtare dhe shtetit të së drejtës.
Dhe në fund, nuk është e vërtetë se OSBE vetëm mund të këshillojë për funksionimin e këtyre zgjidhjeve. Jo, jo, Ambasador, OSBE i certifikon këto zgjedhje, ndryshe, merri valixhet dhe ikë nga ke ardhë, nëse vërtetë nuk keni një propozim sepse, siç thoni ju, nuk ju takon Juve:
Keni ngatërruar misionin Zotëri!
