Ambasadori i Palestinës në Beograd: Presim që Serbia mike të distancohet!
Ambasadori i Palestinës në Beograd, Mohamed Nabhan ka reaguar pas deklaratës nga Washingtoni për vendimin e Serbisë për të transferuar ambasadën e saj nga Tel Avivi në Jerusalem, duke theksuar se në rast se ndodhë, kjo është në kundërshtim me të drejtën ndërkombëtare dhe rezolutave të OKB që kanë të bëjnë me çështjen e Palestinës. Por nuk e humb shpresën, pret që Serbia mike të distancohet!
“Jerusalemi është qytet i okupuar dhe ky qëllim dëmton të drejtën e popullit palestinez që të krijojnë shtetin e tyre në të gjitha territoret që i ka okupuar Izraeli në vitin 1967, duke përfshirë edhe Jerusalemin,” tha Nabhan duke shtuar se me këtë akt do të dëmtohet edhe miqësia tradicionale e Palestinës me Serbinë:
“Shpresojmë që Serbia mike do të distancohet nga këto kërkesa,” tha Ambasadori Mohamed Nabhan që konsiderohet mik i popullit serb dhe Serbisë, ndërsa opinioni i gjerë e njehë si zar të Presidentit të Serbisë, Aleksandar Vuçiç, i cili sa herë i duhet të mbrojë Kosovën me Rezolutën 1244 të Këshillit të Sigurimit të OKB e nxjerrë Nabhan në konferencë për shtyp në Presidencë.
Lidhur me këtë shqetësim të Ambasadorit të Palestinës në Serbi, Mohamed Nabhan, ende nuk janë prononcuar shërbëtorët e George Soros në Beograd, Prishtinë dhe Tiranë.
