Ambasadori i SHBA uron Ditën e Kushtetutës

Ambasadori i Shteteve të Bashkuara në Prishtinë, Philip Kosnett, ka uruar Ditën e Kushtetutës, duke theksuar të gjithë ata që punojnë për të jetësuar në praktikë atë që është e shkruar në Kushtetutë.

“Më 2008 Kosova ratifikoi Kushtetutën e saj e cila thotë se njerëzit janë të vendosur të ndërtojnë një të ardhme të Kosovës si vend i lirë, demokratik, paqedashës. Një vend që do të jetë atdhe për të gjithë qytetarët,” tha Ambasadori amerikan në Prishtinë, Philip Kosnett.

Në Kosovë sot shënohet Dita e Kushtetutës.

Kushtetuta e Kosovës bazohet në Dokumentin e Ahtisaarit, i njohur si Plani Gjithëpërfshirës për Statusin e Kosovës, përmes të cilit është shpallur edhe Pavarësia e Kosovës më 17 shkurt të vitit 2008.

Vështirësitë në zbatimin e saj kanë qenë kryesisht në komunat e veriut të banuara me shumicë serbe.