Ambasadori Kosnett homazhe për nderë të 21 vjetorit të çlirimit të Kosovës

Ambasadori amerikan Philip Kosnett ka bërë homazhe te pllaka përkujtimore e ushtarëve të NATO-s dhe KFOR-it, me rastin e 21 vjetorit të çlirimit të Kosovës.

“Ambasadori Kosnett iu bashkua zyrtarëve të Kosovës dhe përfaqësuesve të komunitetit diplomatik për të shënuar Ditën e Paqes në Prishtinë, duke bërë homazhe në pllakën përkujtimore për ushtarët e NATO-s dhe KFOR-it, si dhe në memorialin Heroinat,” thekson përmes një njoftimi në rrjetin social Facebook, Ambasada e SHBA në Prishtinë.

Ndryshe, sot Kosova shënon 21 vjetorin e çlirimit pas hyrjes së trupave të NATO-s.