Ambasadorja franceze: Muajt e ardhshëm vendimtarë për Shqipërinë

Ambasada franceze në Tiranë ka organizuar një festë me rastin e Ditës së Bastille, e njohur ndryshe edhe si ditë Kombëtare e Francës.

Në fjalën e saj ambasadorja franceze, Christina Vasak citoi shkrimtarin e madh Ismail Kadare kur tha se “Shqipëria është shteti më i hapur drejt ndërtimit evropian”.

“Populli shqiptar ka luftuar me gjithë forcën e tij për të shmangur ndarjen nga Evropa. Puna për Shqipërinë sapo ka filluar dhe muajt e ardhshëm do të jenë vendimtarë ose ndryshe takimi në qershorin e ardhshëm do të prishet. Barra i bie klasës politike, shumicës dhe opozitës, ka të bëjë me të gjithë”, tha Christina Vasak.

Sipas saj, çdo qytetar shqiptar e meriton Evropën.