Amerika, paradë ushtarake për ditëlindjen e Trump! Do të kushtojë 25-45 milionë dollarë!
Ushtria amerikane ka filluar ngarkimin e tankeve që do të shfaqen në rrugët e Washingtonit muajin e ardhshëm, si pjesë e festimeve që shënojnë 250-vjetorin e themelimit të Ushtrisë Amerikane.
Fjala është për një ngjarje të madhe ku do të përfshihen qindra automjete dhe avionë ushtarakë dhe mijëra ushtarë, dhe data nuk është zgjedhur rastësisht, 14 qershori është ditëlindja e Presidentit Donald Trump.
Fillimisht i planifikuar si një festival, eventi është zgjeruar ndjeshëm vitet e fundit duke përfshirë një paradë ushtarake, të cilën Presidenti Trump nuk arriti ta realizonte gjatë mandatit të tij të parë. Tani dëshira e tij po bëhet realitet.
Preparations for the massive military parade in Washington, D.C. for the 250th birthday of the U.S. Army on June 14th, which also happens to be the 79th birthday of President Donald J. Trump, are in full-swing this week at Fort Cavazos in Killeen, Texas. As soldiers with the 1st… pic.twitter.com/E9XLf4Nswp
— OSINTdefender (@sentdefender) May 23, 2025
Më shumë se 6.700 ushtarë nga e gjithë Amerika
Më shumë se 6.700 pjesëtarë të ushtrisë do shkojnë në Washington, dhe do të flenë në shtretër në dy ndërtesa federale, do të hanë vakte ushtarake MRE për mëngjes dhe drekë midis 11 dhe 15 qershorit, ndërsa do hanë një vakt të ngrohtë për darkë; Gjithashtu, do të marrin një pagesë ditore prej 69 dollarësh.
Parada do të organizohet në mënyrë kronologjike, me trupa të veshura me uniforma autentike nga çdo luftë e madhe amerikane, nga Lufta Revolucionare deri te konfliktet e sotme.
Çdo njësi historike do të ketë 60 ushtarë në kostum, të ndjekur nga 400 ushtarë modernë nga e njëjta bazë.
Disa pjesëmarrës nuk do të jenë as në tokë. Kolonelja Anne McClain, një astronaute e Ushtrisë Amerikane e stacionuar aktualisht në Stacionin Ndërkombëtar Hapësinor, do të marrë pjesë gjithashtu në program.
Në fund të paradës, ekipi i parashutistëve të artë të ushtrisë, Golden Knights, do të kryejë një kërcim mbi Shtëpinë e Bardhë dhe do t’ia dorëzojë flamurin e palosur Donald Trump. Me atë rast, 250 ushtarë të rinj do të bëjnë betimin, dhe betimi do të drejtohet personalisht nga Presidenti Trump.
Festimi përfshin gjithashtu: koncerte, fishekzjarre, performancë të lojtarëve të NFL-së, gara fitnesi, ekspozitë ushtarake përgjatë National Mall.
Vlerësohet se eventi mund të tërheqë deri në 200,000 vizitorë dhe kostoja e organizimit sipas vlerësimeve të ushtrisë amerikane pritet të jetë 25-45 milionë dollarë.
