SHBA po investon gjysmë miliardi dollarë në zhvillimin e vaksinave universale

Shtetet e Bashkuara po investojnë 500 milionë dollarë në një projekt vaksinash, me qëllim zhvillimin e vaksinave “universale” që mbrojnë nga lloje të shumta të virusit në të njëjtën kohë, raportoi sot Wall Street Journal, duke ju referuar disa emaileve.

Projekti përfshin prodhimin e vaksinave nga viruse të tëra të çaktivizuara kimikisht, të cilat kujtojnë mënyrën se si u zhvilluan vaksinat e gripit dekada më parë, tha WSJ.

Ky veprim është pjesë e asaj që Departamenti i Shëndetësisë dhe Shërbimeve Sociale, HHS, e quan “Standardi i Artë i Gjeneratës”, një teknologji universale e vaksinave që përfaqëson një hap para në financim nga projektet e COVID-19 në studimin e viruseve të shumta, raporton gazeta.

Projekti përfshin gjithashtu kërkime mbi një vaksinë të dytë universale kundër gripit dhe vaksina universale kundër koronavirusit, sipas një deklarate nga HHS për WSJ.

Shëndetësia amerikan drejtohet nga një skeptik i vaksinave

Sekretari i Shëndetësisë dhe Shërbimeve Sociale i SHBA-së, Robert F. Kennedy Jr., do të kërkojë që të gjitha vaksinat e reja t’i nënshtrohen testimit me placebo, raportoi The Washington Post.

Kennedy, një ish-avokat mjedisor, njihet si skeptik ndaj vaksinave që themeloi dhe grupin anti-vaksinim Children’s Health Defense, i cili ka ngritur padi në gjykatat shtetërore dhe federale për vaksinimet e zakonshme, përfshirë fruthin.

Departamenti Amerikan i Shëndetësisë dhe Shërbimeve Sociale nuk iu përgjigj kërkesës së Agjensisë së lajmeve Reuters për koment.