Amerikanët bastisin dy anije cisterna, njëra e shoqëruar nga një nëndetëse ruse. Reagon Moska

Shtetet e Bashkuara kanë sekuestruar një anije cisternë të lidhur me Venezuelën pas më shumë se dy javësh ndjekjeje përtej Atlantikut. Forcat amerikane hipën në anijen cisternë dhe e sekuestruan atë në mes të Atlantikut, midis Evropës dhe Amerikës së Veriut.

Një zyrtar amerikan tha për Agjencinë e lajmeve Reuters se sekuestrimi po kryhej nga Roja Bregdetare dhe ushtria.

Agjencia shtetërore ruse e lajmeve RT raportoi gjithashtu se një helikopter që besohet se mbante personel ushtarak amerikan po përpiqej të ulej në cisternë.

Sekuestrimi, i cili mund të rrisë tensionet me Rusinë, erdhi pasi cisterna, e njohur fillimisht si Bella 1, i shpëtoi një “bllokade” detare amerikane të cisternave të sanksionuara dhe zmbrapsi përpjekjet e mëparshme të Roja Bregdetare të SHBA-së për ta hipur në të pranë Venezuelës në dhjetor. Rusia, raportohet se e ka shoqëruar anijen cisternë me një nëndetëse.

Ndryshimi i identitetit të anijes
Siç është raportuar më parë, anije cisternë ka ndryshuar emrin e saj nga Bella 1 në Marinera dhe ka marrë një flamur rus, sipas firmës së analizave detare Windward. Windward gjithashtu deklaron se cisterna pikturoi një flamur rus në trupin e saj për të shmangur kapjen nga Roja Bregdetare e SHBA-së.

Sipas ligjit ndërkombëtar, anijet që mbajnë flamurin e një vendi janë nën mbrojtjen e atij vendi.