Amerikanët sulmojnë ishullin Kharg, Irani kërcënon! Trump: Sonte do të vdesë një qytetërim i tërë!

Një zyrtar amerikan konfirmoi për CBS News se forcat amerikane kanë kryer sulme ndaj objektivave ushtarake në ishullin iranian Kharg.

Sot, zyrtar i paidentifikuar tha për CBS, partner amerikan i BBC-së, se asnjë infrastrukturë nafte nuk ishte shënjestër e sulmit të mbrëmshëm.

Në Ishullin Kharg është një terminal i madh nafte që konsiderohet thelbësor për ekonominë e Iranit.

Presidenti Trump më parë ka lënë të kuptohet se mund të dërgojë forca për të marrë kontrollin e ishullit.

SHBA-të e kishin goditur ishullin në muajin mars, kur Presidenti i SHBA-së Donald Trump tha se objektivat ushtarake ishin “shkatërruar plotësisht”.

Ndërsa mediat iraniane raportojnë se sulmet SHBA-Izrael goditën terminalin kryesor të eksportit të naftës së Iranit në ishullin Kharg.

“Armiku amerikano-sionist kreu disa sulme në ishullin Kharg dhe atje u dëgjuan disa shpërthime,” raportoi Agjencia iraniane e lajmeve Mehr.

Presidenti Trump: Sonte do të vdesë një qytetërim i tërë

Ndërkohë Presidenti amerikan Donald Trump përmes rrjetit social Truth paralajmërom Iranin për pasojat nëse nuk rihap Ngushticën e Hormuzit.

“Sonte një qytetërim i tërë do të vdesë për të mos u kthyer më kurrë. Nuk dua që kjo të ndodhë, por ndoshta do të ndodhë. Megjithatë, tani që kemi një ndryshim të plotë dhe total të regjimit, të dominuar nga mendje të ndryshme, më të zgjuara dhe më pak të radikalizuara, ndoshta diçka revolucionare e mrekullueshme mund të ndodhë, kush e di?

Do ta zbulojmë sonte, në një nga momentet më të rëndësishme në historinë e gjatë dhe komplekse të botës. 47 vjet shantazh, korrupsion dhe vdekje, më në fund do të marrin fund,” tha Presidenti amerikan përmes rrjetit social Truth duke përfunduar:

“Zoti i bekoftë njerëzit e mëdhenj të Iranit!”