Amnistia Fiskale në Shqipëri, BE: Shqetësime serioze!

Jo pse Kryeministri Edi Rama thirri dhe anuloi takimin me Ambasadorët e vendeve anëtare të BE në Tiranë, por pas takimit me Kryetarin e Grupit Parlamentar të të Partisë Socialiste, Taulant Balla dhe ministren e Financave, Delina Ibrahimaj, Bashkimi Evropian ka shprehur shqetësime serioze për Draftin aktual të ligjit për Amnisti Fiskale.

“Bashkimi Evropian ka shqetësime serioze për Draftin aktual të Ligjit për Amnisti Fiskale. Ne do të vazhdojmë konsultimet me autoritetet përkatëse të qeverisë për të rishikuar këtë legjislacion,” shprehet pas takimit Delegacioni i Bashkimit Evropian Shqipëri.

Ndryshe, pak minuta para nisjes së takimit Ambasadorët e Bashkimit Europian në Tiranë që ishte thirrur mëngjesin e sotëm nga Edi Rama, për të diskutuar lidhur me Draftin e Amnistisë Fiskale në Shqipëri, Kryeministri anuloi prezencën e tij, duke e lënë në takimin në duart e ministres së Financave, Delina Ibrahimaj dhe Kryetarit të Grupit Parlamentar të Partisë Socialiste, Taulant Balla.