“Amniston përdhunuesit”/ Tritol në banesën e Xhisielës, Rama: Interes vetëm ata që e dhunuan publikisht!

Kryeministri Edi Rama ka një logjikë të çuditshme për mundësinë e atij që mund ta ketë vënë tritolin në banesën e Xhisiela Malokut. Në fjalën e tij para deputetëve socialistë, Edi Rama tha se kjo gjë i intereson vetëm atyre që e dhunuan vajzën publikisht dhe nuk është e qart pse e përjashton mundësinë që këtë mund ta ketë bërë përdhunuesi real:

“Mbrëmë natën vajzës së kthyer për mish për topat e kësaj politike të ulët i  është hedhur lëndë plasëse në shtëpi. Kush është i interesuar të krijoi në publik idenë se vajza është nën trysninë e një terrori psikologjik?! Ne? Jo! Ska mendje normale, madje dhe peshqit e liqenit artificial të kuptojnë që për këtë kanë vetëm interesa ata që e dhunuan publikisht për ditë e ditë të tjera dhe askush tjetër,” tha kryeministri duke përkufizuar para opinionit çfarë është dhunë se seksuale:

“Ata që i dinë shqiptarët për budallenj dhe synojnë ti bindin se një histori dhune fizike marrëdhëniet mes dy të rinjëve na qenka në fakt një dhunë seksuale e frymëzuar politikisht nga një baba deputet dhe i pandëshkuar ligjërisht sepse kryetari i deputetëve me armë në dorë ka shkuar dhe ka kanosur oficerin që të mbyllë gojën,” thotë Edi Rama duke harruar se një i tillë, baba dhe i pandëshkuar ishte ministër dhe doli trafikant ndërkombëtar i drogës.

Gjithsesi, duhet pranuar që ligjërimi politik i kryeministrit ka pësuar ndryshime rrënjësore. Fajin me nuk e ka Saliu por opozita. Kjo u vërejtë si në arsyetimin e Xhisielës ashtu edhe Edi Ramës para Grupit Parlamentar të PS:

“Ata që shohin sesi i gjithë turpi i kësaj historie lehaqeniesh pa din e iman do tu mbetet i gjithi atyre, dhe askujt tjetër kanë interes të cysin këtë histori me lëndë plasëse.”