Andorrë-Shqipëri, Asllani na çon në play-off të Botërorit

Një gol i Kristjan Asllanit në pjesën e dytë i ka mjaftuar Shqipërisë për të fituar në Andorra me reuzltatin minimal 1-0 dhe për të siguruar biletën për pjesëmarrjen në play-off të Botërorit 2026.

Në një ndeshje shumë të vuajtur, pa raste për shënim, u desh një kundërsulm i kuqezinjve në pjesnë e dytë të finalizuar nga mesfushori për të zgjidhur gjithçka. Një fitore minimale, por që e kombinuar me atë të Anglisë, siguron vendin e dytë dhe pjesëmarrjen në play-off për Shqipërinë.

Andorrë-Shqipëri 0-1
68′ Asllani

Ndryshe, sot janë luajtur dy ndeshjet e programuara për Grupin K në kualifikueset e Botërorit 2026. Shqipëria fitoi ndaj Andorrës me rezultat minimal, ndërsa Anglia mposhti Serbinë 2 me 0.

Kjo situatë dërgon automatikisht Shqipërinë në gjysmëfinalen e “play off”. Kuqezinjtë kanë 4 pikë më tepër se Serbia, ndërsa ka mbetur vetëm një ndeshje për t’u luajtur. Serbia vijon të kryesojë me pikë të plota, ndërsa nuk ka pësuar asnjë gol në këtë fushatë kualifikuese.

Të dielën, Shqipëria do të përballet me Anglinë në “Air Albania”, në anën tjetër Serbia do të sfidojë Letoninë./Panorama/