Anëtarësimi i Ukrainës në BE, Orban: Hungaria ende mund të bllokojë procesin

Hungaria do të mund të ndalojë procesin e anëtarësimit të Ukrainës në Bashkimin Evropian më vonë nëse është e nevojshme, meqë BE kishte marrë një “vendim të keq” kur vendosi të fillojë bisedimet për anëtarësimin e Ukrainës, tha kryeministri Viktor Orban, për radion shtetërore.

Nëse BE dëshiron të ndryshojë buxhetin e saj aktual, tha Orban, atëherë do të jetë një mundësi e madhe për Hungarinë të thotë se duhet të marrë paratë që ka të drejtë, raporton RFE.

Liderët e Bashkimit Evropian vendosën dje t’i hapin bisedimet për anëtarësim në BE me Ukrainën dhe Moldavinë.

Hungaria ka kohë të gjatë që e kundërshtonte nisjen e bisedimeve me Kievin, megjithatë, nuk e përdori veton ndaj këtij vendimi.

Kryeministri i Hungarisë, Viktor Orban, tha në një reagim përmes rrjetit social Facebook se vendi i tij nuk deshi të marrë pjesë në një vendim të keq.

“Anëtarësimi i Ukrainës në BE është vendim i keq”.

Ukraina dhe Moldavia, raporton RFE aplikuan për t’iu bashkuar BE-së pasi Rusia e nisi pushtimin e plotë të Ukrainës në shkurt të vitit 2024.