Anëtarësimi në BE, Kurti: Kosova është gati për të filluar negociatat!

Kosova është gati për të filluar negociatat për anëtarësim në Bashkimin Evropian, tha Kryeministri Albin Kurti në mbledhjen e VI-të të Këshillit Ministror për Integrim Evropian ku po diskutohet përgatitja e vendit në kuadër të Planit të Rritjes së Bashkimit Evropian për Ballkanit Perëndimor dhe reformat kyçe të Programit Kombëtarë për Integrim Evropian 2024-2028.

“Besojmë që anëtarësimi në BE duhet të jetë i bazuar në meritokraci. Jemi të gatshëm t’ju përgjigjemi mijëra pyetjeve që BE-ja mund t’i ketë për të nisur këtë proces. Ne jemi gati për të filluar negociatat për anëtarësim dhe besojmë se kemi punuar shumë për këtë filluar këtë proces. Kemi plotësuar kritere të shumta.

Plani i rritjes së BE-së i ka dy qëllime, përshpejtimi i zhvillimit ekonomik të Ballkanit Perëndimor dhe përshpejtimit të procesit të anëtarësimit në BE,” tha Albin Kurti duke theksuar se Bashkimi Evropian nuk duhet të ketë as fonde as përfitime të tjera për vendet që i përqafojnë vlerat e BE, ndërsa përmendi edhe masat ndëshkuese të Bashkimit Evropian që janë vendorus ndaj Kosovës.

“Masat, që janë ende në fuqi ndaj Kosovës, bien ndesh me përpjekjet e rajonit për integrim të përshpejtuar në BE, sidomos edhe në Planin e Rritjes dhe qëllimin e tij. Në anën tjetër po vazhdojmë me përpjekjet tona që të hapim më tepër mundësi në kuadër të dialogut të reformave me BE-në. Në këtë kontekst, kemi përmbushur të gjitha kërkesat e BE-së për heqjen masave kufizuese dhe këto masa duhet të largohen.”

Plani i Reformave të Kosovës në kuadër të Planit të ri të BE-së pë Rritje Ekonomike në Ballkanin Perëndimor është fokusuar në 4 fusha: qeverisja, reforma e administratës publike dhe menaxhimi i financave publike, tranzicioni i gjelbër dhe ai digjital, zhvillimi i sektorit privat, mjedisi afarist dhe kapitali njerezor, tha Zv/Kryeministri për Integrim Europian, Zhvillim dhe Dialog, Besnik Bislimi, duke u zotuar se deri në qershor do të përmbushen edhe 50 masa të kërkuara.