Anëtaret e BE nesër marrin letër nga Von der Leyen! Musk: Amerika duhet të tërhiqet nga NATO dhe OKB!

Presidentja e Komisionit Evropian, Ursula von der Leyen, tha se nesër do të informojë vendet anëtare të Bashkimit Evropian përmes një letre për planet rreth forcimit të industrisë evropiane të mbrojtjes dhe aftësive ushtarake të BE-së.

Ursula von der Leyen e cila mori pjesë dje në Samitin për Ukrainën në Londër, u tha gazetarëve se Evropa, pa asnjë dyshim, ka nevojë për një rritje të madhe të investimeve në mbrojtje.

“Ne duam paqe të qëndrueshme, por paqja e qëndrueshme mund të ndërtohet vetëm mbi forcën dhe forca fillon me forcimin e vetvetes,” tha Presidentja e KE, Ursula von der Leyen.

“Amerika duhet të tërhiqet nga NATO dhe OKB”

Miliarderi Elon Musk, njëri nga bashkëpunëtorët më të afërt të Presidentit amerikan Donald Trump, i emëruar në krye të Departamentit për Efikasitetin e Qeverisë së SHBA, “Doge”, tha se Shtetet e Bashkuara duhet të largohen nga Kombet e Bashkuara dhe NATO.

I agree https://t.co/ZhjBXCTQfp

— Elon Musk (@elonmusk) March 2, 2025

Kjo është përgjigja e Musk në një postim të mbështetësit të Trump në rrjetin social X i cili shkroi:

“Është koha të largohemi nga OKB dhe NATO”.

Musk u përgjigj: “Jam dakord”.

Ky njoftim vjen në një kohë të tensioneve në rritje midis SHBA-së dhe BE-së dhe Ukrainës në kontekstin e luftës dhe përpjekjeve të Trump për një armëpushim.

Trump më parë ka njoftuar dhe ndërmarrë tërheqje të caktuara nga organizatat ndërkombëtare, ndërkohë që Aleanca Veriatlantike dhe multilateralizmi nuk do të thonë shumë për të.

Administrata Trump përkundrazi po fokusohet në marrëdhëniet dypalëshe, në ngrohjen e marrëdhënieve me Rusinë dhe më pas ata duan të zhvendosin fokusin e tyre në rivalitetin me Kinën.

Por largimi nga OKB nuk mund të parashikoj pasoja për rendin e ri botëror.