Angli-Kosovë/ Challades me këtë formacion nis sfidën…

Sonte në “St Mary’s Stadium” të Southamptonit, në orën 20:45, Kosova do ta ketë përballjen më të vështirë deri më tani në kuadër të kualifikimeve për kampionatin evropian të vitit 2020.

 “Dardanët” si mysafirë të kombëtares angleze për takimin e pestë në rrugën drejt evropianit me vendim të trajnerit të përfaqësueses së Kosovës, Bernard Challendes, do të bëjnë dy ndryshime.

Në vend të Edon Zhegrovës, pritet të startojë talenti i Hannover 96, Florent Muslija, i cili debutoi në fitoren kundër Republikës Çeke me rezultat 2-1.

Që të mos pësojnë humbje në ndeshjen e 16-të me radhë, edhe Valon Berisha pritet të jetë në formacionin startues para Elbasan Rashanit, i cili asistoi te goli i barazimit që e realizoi Vedat Muriqi.

Ndryshe, Anglia është lider i grupit A me nëntë pikë, përkatësisht ka një më tepër se Kosova e vendit të dytë.