Anija e së keqes po mbytet, Basha nga Vlora: Kjo është beteja për Shqipërinë!

Për 8 vite Edi Rama ka nëpërkëmbur Vlorën dhe gjithë vendin, tha sot Kryetari i Partisë Demokratike, Lulzim Basha, në kryeqytetin shqiptar të pavarësisë ndërsa konstatoi se anija e së keqes po mbytet tha se ka ardhur koha për ndryshim dhe se kjo është një betejë për Shqipërinë dhe shqiptarët.

“Jam i mrekulluar nga pritja. Lista e Vlorës njësoj si lista e Shqipërisë i mbërthen të gjitha kualitetet. 8 vite me radhë Rama ka nëpërkëmbur Vlorën dhe Shqipërinë. në vend të 300 mijë vendeve të punës ka pllakosur kriza. Emigracioni në Vlorë në përmasa të frikshme. Sipërmarrja vlonjate e ndjen këtë. Ka ardhur koha për ndryshim. Kjo që dëgjoj dhe prek kudo nuk është thjesht kërkesë për ndryshim, ndryshimi po vjen. E prek kudo dëshirën e shqiptarëve për ndryshim. Kjo betejë nuk është për Bashën apo Ramën, por është për shqiptarët, për të rinjtë që kanë kthyer sytë nga emigracioni, por që duhet t’i mbajmë këtu,” tha Lulzim Basha duke përfunduar:

“Kjo është një betejë për Shqipërinë dhe shqiptarët, ndaj jemi bashkuar!”

Dhe, derisa sa masa e qytetarëve në qendër të Vlorës sa shkon e shtohej për të takuar Kryetarin e Partisë Demokratike, duke konstatuar se anija e së keqes po mbytet ai i bëri ftesë çdo socialisti të ndershëm të bashkohet me PD për ndryshimin:

“Do të fitoni ju dhe familjet tuaja, do të fitojë Vlora dhe Shqipëria!”

Ndërkohë në mesin e qytetarëve të indinjuarë në Vlorë ishte dhe njëri i cili tha se është kushëri me Kryeministrin ndërsa u ankua për pronat që i kishte marrë Edi Rama .

“O vlla të uroj shëndet, ne do fitojmë. Unë jam kushëriri i Edi Ramës, më maskarai që ka Shqipëria. Na mori pronat, më hoqi nga puna mua, familjen time, ia dha oligarkëve të tij. O Lulzim nuk të gënjen vllai. Më pruri forcat sikur isha më krimineli i Shqipërisë. Asnjë nga fisi nuk e voton më Edi Ramën. Nga të gjithë fisi i mamasë sime, asnjëri. Nëna ime dhe nëna e tij kushërira, mua të parin ma prishi. As nuk kam vjedhur, as jam marrë me dorë, as nuk jam marrë me asgjë,” tha “kushëriri” i Edi Ramës ndërsa Kryetari i Partisë Demokratike, Lulzim Basha ishte i prerë:

“Familja e tij janë oligarkët, familja ime jeni ju!”

Ndryshe, para Vlorës kryetari i PD, Lulzim Basha, u ndal në Novoselë ku zhvilloi një takim me banorët e zonës ku dhe u shpreh:

“Të gjithë duhet të bëhemi baskë se ndryshimi vjen vetëm me votë. Po qëndrove në shtëpi duke u lutur nuk sjell gjë. Të gjithë tek kutitë e votimit me 25 prill, sepse shqiptarët janë të bashkuar për të ndryshuar dhe do të ndryshojë. Nga Shkodra në Vlorë, e shoh që ka nisur ndryshimi. Detyra jonë është që këtë ndryshim ta bëjmë real me votën më të madhe popullore që ka njohur vendi. Duhet të hapen sa më shpejt tregjet e Evropës, e për këtë duhet ë shpejtojmë procesin e negociatave, sepse Shqipëria ka tetë vite në vendnumëro, sepse kanë ngecur negociatat. Kur qeveria punon për njerëzit dhe ju e ndihni përfitimin. E mbani mend kur hoqëm vizat, ne duam ta bëjmë Shqipërinë anëtare të BE, kjo është garancia. Rama tetë vite nuk bëri asnjë hap përpara. Në veçanti duhet angazhimi i nënave dhe grave shqiptare.

Banori 1: Hera e parë që një kandidat për kryeministër vjen në fshatin tonë.

Lulzim Basha: Të faleminderit!

Banorja 2: Populli të mos bëj sehir por të ngrihet, të japi votën.

Ndërsa mikëpritja në Vlorë u pa që në hyrje të qytetit:

Me entuziazëm të ngjashëm, Kryetari i Partisë Demokratike, Lulzim Basha, u përballë në Kavajë, Elbasan, Lezhë dhe Shkodër.