Ankesat për Gjirokastrën në KAS, Nënkryetarja e KQZ flet për ata që votuan 2 herë dhe ata…

Sot Komisioni për Ankimime dhe Sanksione po shqyrton ankesat për Qarkun Gjirokastër pasi u paraqit Nënkryetarja e KQZ, Lealba Pelinku, e cila ka sqaruar anëtarët e KAS mbi dyshimet e shenjave të gishtave, 2 rastet ku i njëjti person dyshohet se është paraqitur në 2 qendra votimi dhe se i takon administratës zgjedhore, si dhe vështirësive që kanë pasur operatorët ditën e zgjedhjevenë në identifikimin nëpërmjet gishtave të personave kryesisht në moshë madhore, ku për të përshpejtuar procesin kanë vendosur gishtat e tyre.

Me pyetjet drejtuar Pelinkut filloi anëtari i KAS, Koli Bele, ka dy raste që potencialisht kanë votuar nga 2 herë secili, pra 4 herë, kurse të tjerat kanë të bëjnë me operatorët.

Koli Bele: Në informacionin e dhënë nga nëkomisionerja, flitet për 14 raste shenja gishtërinjsh të përdorura në Gjirokastër, të identifikuara nga PEI si të dyshuara. I kemi ndarë. Një nga këto raste, i njëjti person është identifikuar 2 herë. A identifikohen këta persona konkretisht? Nga materiali i bashkëlidhur, kuptojmë se personat identifikohen nëpërmjet ID. A është e mundur të ketë qenë personi në qendrat e zgjedhësve? A mund të ndodhë që një person ta ketë një dy qendra votimi?

Lealba Pelinku: Përshëndetje. Lidhur me pyetjet e parashtruara, nga dy anëtarët e KAS. Referuar pyetjes së parë lidhur me dy rastet ku personi është paraqitur në dy qendra votimit të ndryshme, bëhet fjalë për dy persona nga numri i ID, për ta shpjeguar , bëhet fjalë për të njëjtin person, që me të njëjtin dokument ID është paraqitur, ka depozituar shenjën, dhe më pas me të njëjtin dokument dhe nënshkrim ka po themi realizuar procesin e identifikimit në qendrën tjetër.

E njëjta gjë edhe për rastin tjetër, për dy persona.

Koli Bele: Pra, në dijeninë tonë, sistemi nuk është i lidhur online me databazën. Në çdo qendër votimi sistemi është i lidhur me listën e zgjedhësve.

Lealba Pelinku: Në dy rastet konkrete që na rezultojnë nga procesi i kryqëzimit të të dhënave, bëhet fjalë për persona që i përkasin administratës zgjedhore, ose komisioner ose operator. Nuk ishin pjesë e listës së zgjedhësve të qendrës së votimit ku ishin. Çdo pajisje ka pasur listën e zgjedhësve të asaj qendre votimi. Pajisja ka pasur mundësinë që këta persona të administratëz zgejdhore të mund të ushtronin të drejtën e tyre në atë qendër votimi. Pasi e kanë ushtruar, identifikuar në atë qendër votimi, janë paraqitur aty ku janë regjistruar. Këtë arrimë të supozojmë.

Koli Bele: Kjo e shpjegon dhe pyetjen e radhës. Kemi të bëjmë me rastin e një personi që ka abuzuar, dhe ka votuar si komisioner dhe si zgjedhës. Sistemi i ka kapur këto dy persona, pa i paragjykuar të kujt krahu janë.

Janë raportuar 12 shenja gishtërinjsh, për 70 zgjedhës sipas një tabele të dhënë nga ju. Këto raportime janë në 13 qendra të caktuara. Në tabelën Excel janë evidentuar 3 raste ku bien në sy, ka shenja unike për 14 të dyshuar, 17 dhe 20. Është qv 4240ku rezultojnë se 20 raste është e njëjta shenjë  unike. E cilësuar si administratë zgjedhore. Kemi kërkuar sqarimin tuaj. Kemi identifikimin për këtë rast. Edhe për raste të tjera. Citoni që është operatori i cili ka përdorur 19 apo 20 herë shenjën e gishtit. Çfarë mendoni se ka ndodhur.

Lealba Pelinku: Për ta bërë të qartë. Radha e veprimeve të një  zgjedhësi, paraqititet në qv, paraqet dokumentin e ID, pasi lexohet pajisja, Komisioni ka pasur mundësinë të bëjë përputhshmërine e të dhënave nga PEI.Hapi iradhës është nënshkrimi biometrik. Çfarë do të thotë? Për 2 apo më shumë raste?

Kemi leximin e dokumentit të identifikimit dhe më pas për nënshkrim është përdorur shenja e gishtit, një shenjë unike gishti, e cilit individ për dy ose më shumë raste. Në tabelën e paraqitur, apo nga të dhënat një nga numrat e identifikimit që lidhet me shenjën unike është dhe ajo e operatorit. Në këto kushte na lind e drejtatë dyshojmë se një nga shenja unike, një nga skenarët për nënshkrimin e zgjedhësve ka qenë e operatorit. KQZ në këtë fazë nuk mund të verifikojë se cilit person i përket ajo shenja gishti.

Kjo do të jetë, duhet të jetë objekt i një hetimi në vazhdim për të verifikuar falë, si materialeve nga videoregjistrimet edheProkuroria që do i përcillen materialet, për të verifikuar se cilit i përket ajo shenjë gishti.

Koli Bele: Një pyetje për procedurë, në rastin kur sistemi nuk lexon gishtin, çfarë duhet të bëjë operatori?

Operatorit i duhej të merrte masa që secilit zgjedhës ti merreshin shenjat e gishtave. I janë marrë 4 gishta, 7 herë për secilin. Nga informacionet që kemi marrë në ditën e zgjedhësve, nga operatorët na është bërë me dije që kanë pasur vështirësi për marrjen e gishtave për persona kryesisht të moshave të mëdha. Janë justifikuar se vetë në shkelje të protokollit kanë vendosur vetë shenjën e gishtit. Duhet të jetë objekt i një verifikimi të thelluar.

Koli Bele: Besoj i morëm përgjigjet. Dhe në konceptin e kuptueshmërinë tonë, kemi 2 raste që potencialisht kanë hedhur 4 vota ose janë paraqitur 2 herë pra 2 shtetas kanë votuar 4 herë. Kurse rastet e tjera janë vendosja e gishtit të operatorit. Këto janë ato që na u shpjeguan. Nëse del ndonjë pyetje tjetër.

Ilir Rusmaili: Keni thënë dyshim. Çfarë do të thotë dyshim. Në rastin kur dy shenja gishtërinjsh përputhen, del përputhje, jo dyshim. Raste përputhjesh në Gjirokastër kemi pasur, jo dyshimesh, përputhjesh?

Lealba Pelinku: Të dhënat që rezultojnë nga sistemi, i tillë është sistemi, vetëm teknike, sipas të dhënave rezulton se ka ngjashmëri të shenjave të gishtit në ato parametra dhe parametrat kanë qenë të një filtri për të evidentuar dhe ato rastet që nuk kanë qenë raste përputhjesh. Shprehemi për dyshim sepse duhet ta verifikojë dhe Prokuroria. Do t’i duhet Prokurorisë të verifikojë në mënyrë objektive shenjat e gishatave. KQZ mund të shprehet vetëm për dyshime.

Ilir Rusmaili: Ju thoni që makina kur ka përputhje nxjerr përputhje. Tani thoni që makina shpreh ngjashmëri jo përputhje.

Lealba Pelinku: Ndjesë, të shprehë përputhje.

Ilir Rusmaili: Për qarkun e Gjirokastrës ka përputhje, apo dyshim ose ngjashmëri?

Lealba Pelinku: Sipas sistemit janë përputhje.