Antifa braktis PD-në!
nga Agim Popoci
Ndonëse Kryetari i PD, Lulzim Basha, uroi kandidatin demokrat Joe Biden, për fitore në zgjedhjet presidenciale në SHBA, mësohet se Antifa e cila ishte në rritje dhe po shtrinte me shpejtësi tentakulat ndër demokratë, këto ditë braktisi Partinë Demokratike.
Jo se kishte ndonjë angazhim në gjurmimin dhe identifikimin e kësaj lëvizje kriminale, as nuk është fakt që shumica e krerëve demokratë janë të bindur në fitoren e Presidentit Trump, por këto ditë në selinë demokratike në Tiranë u vërejt prania e një këshilltari të politikave marksist-leniniste, me qëllim, siç thuhet, angazhimit të tij në fushën e propagandës pasi përfundoi me sukses misionin në Prishtinë.
Se cili ishte misioni i Antifa-s në PD ishte e qartë dhe filloi të shënoi suksese, u zbehë pak me daljen e listave për deputetë dhe u reduktua paksa nga 29 në 17 anëtarë në strukturat e larta të Partisë Demokratike me daljen e partive të reja, por pse iku nga sytë këmbët vërtetë është enigmë; Sot, është edhe realitet!
Pse gjithë ky panik ndër aktivistët e Antifas që penetruan në PD, nga një njeri i vetëm, mbetet për tu parë pasi veprat e tyre kriminale ende nuk janë specifikuar dhe vetë ata nuk i kanë marrë përgjegjësitë; Por pamjet e djeshme nga Gjykata Speciale në Hagë kanë bërë që Antifa n’PD ti thërras mendjes dhe të mos rrezikojë aktivitetin e saj edhe në praninë e një ustai, ndonëse nuk mund të quhet “Simon Wiesenthal”.
I gjithë kujdes i Antifas nuk vjen vetëm nga besimi në mite, siç është Simon Wiesental, për të cilin thuhet se prangosi pas luftës së dytë botërore 800 oficerë të rëndësishëm nazistë, por nga pamjet që u transmetuan dje nga Gjykata Speciale në Hagë, ku njeriu më i fuqishëm në Kosovë, Hashim Thaçi, erdhi i lidhur në pranga; Dhe, nuk u duhej të tmerroheshin edhe nga pamjet e sotme kur e gjithë bota arriti ta shoh edhe të plotfuqishmin e Kosovës, Kadri Veselin, në pranga.
U arrestuan nga hetimet e kësaj Prokurorie, pak kush i beson, po aq sa janë të besueshme cicërimat e Kryeministrit Edi Rama, i cili me shkeljen e këshilltarit të politikave marksist-leniniste në PD, ngriti zërin mbi hetimet e Lulzim Bashës në UNMIK, që nuk kanë lidhje as me realitetin dhe as me kohën kur u zhvilluan hetimet për prangosjen e Hashim Thaçit dhe Kadri Veselit, pasi Basha ishte larguar nga administrata ndërkombëtare në Kosovë.
A mund të quhet ky spastrim nga Antifa edhe shpëtim i Partisë Demokratike?! Sot, kjo nuk mund të thuhet pasi nuk dihet objekti i saktë i misionit të këshilltarit të politikave marksist-leniniste në PD, ashtu siç nuk dihej në Zyrën e Kryeministrit të Kosovës, Presidentit të Kosovës dhe Kryetarit të PDK-së, por në fund që të dy drejtuesit e këtyre Zyrave përfunduan në pranga!
Gjithsesi, një PD pa Antifa është lajm shumë i mirë pavarësisht se largimi i aktivistëve të saj nga arteriet demokrate pas ardhjes së simon wiesenthalit marksist-leninist mund të shkaktoj amulli, pse jo dhe infarkt të fortë politik mu në zemër të Partisë Demokratike; Por, për dallim nga terreni ku veproi në Prishtinë, fusha e veprimit të këshilltarit të politikave marksist-leniniste në PD është shumë e ngushtë!
Hashim Thaçi, Kadri Veseli, bashkëpunëtorët e tyre dhe anëtarësia në PDK, lehtë mund të bliheshin me përrallat se një shtet ideal mund të bëhet përderisa e bëri Enver Hoxha, në kohën e të cilit nuk kishte të papunë dhe jetohej me prodhime vendore nga bujqësia, sepse që të gjitha këto nuk i mbulonte propaganda e dalë nga goja e këshilltarit të politikave marksist-leniniste, por, Kryefjala: Xhaxhi Enver!
Në Partinë Demokratike gjërat ndryshojnë! Deri në arritjen e qëllimit final të këshilltarit të politikave marksist-leniniste ai mund të përballet me njerëz të indoktrinuar nga ideologji të ndryshme si në Kryesi ashtu dhe Këshill Kombëtarë të PD, por anëtarësia aktuale është më e vuajtura, më e vjedhura dhe më e përçmuara nga Xhaxhi Enver dhe pasardhësit e tij; Anëtarësi të cilën këshilltari i politikave marksist-leniniste nuk e kupton dot sepse truri i tij gjeneron vetëm tradhti, pabesi dhe simfoni me tringëllimën e prangave.
